VOV4.Bahnar - Tơ̆ anih tơm New Dehli, Kơ dră Kuôk hô̆i Vương Đình Huệ hlôi sơng Kơ dră tơm jang tơ bôl Ấn Độ Jaishankar. Tơ̆ jơ sơng, Kơ dră Kuôk hô̆i  Vương Đình Huệ pơ ma hơ dăh, Việt Nam ling lang lăng kăl tơ drong pơ vei jang hơ dai tôm tong hăm Ấn Độ, hôn bơ nê kơ Ấn Độ lăng Việt Nam ‘noh tơ gŭm hơ drol lơ̆m tơ drong jang tơ gŭm bơ̆ jang găh hơ lĕch đơ̆ng sư. 2 păh drơ̆ng nơ̆r hơ len lăng tơ drong pơ vei jang hơ dai tôm tong đơ̆ng Việt Nam păng Ấn Độ tŏk bŏk hơ tŏk tơ iung ‘lơ̆ng hơ iă lơ̆m đĭ đăng sơ năm jang tơm chĭnh trĭ - jang tơ bôl, vei sơ đơ̆ng - khŭl linh, mŭk drăm - mơ dro sa - tơ mơ̆t jên jang, khoa hŏk kơ măy kơ mŏk, joh ayŏ, tơ plŏng kơ dâu tơ mang lăng, tơ ƀơ̆p pơ ma dơ nuh băl đơ̆ng kon pơ lei. 2 kơ dră chĕp kơ̆l hlôi pơ ma dơ nuh găh 1,2 tơ drong lơ̆m tơ ring, apŭng plĕnh teh mă 2 păh vang bơ ngơ̆t truh, lơ̆m noh đei tơ drong pơ vei ASEAN - Ấn Độ păng tơ drong tơ jê̆ âu tơ̆ Biển Đông, pơ ma hơ dăh Việt Nam - Ấn Độ gô hơ nơ̆ng tơ gŭm hơ drin pơ trŭt tơ drong sek tơ lang pơ ‘lơ̆ng rim tơ drong ưh kơ lăp băl ‘moi kiơ̆ rim trong jang rơ ngei, lăp hăm Khôi luơ̆t Apŭng plĕnh teh, yua kơ tơ drong rơ ngei, jang hơ dai, sơ đơ̆ng păng hơ tŏk tơ iung lơ̆m tơ ring păng lơ̆m apŭng plĕnh teh.

Thuem: Tơ blơ̆