VOV4.Bahnar - Ƀlep ƀât tơ băt Năr bơ ngai tĕch mơ dro Việt Nam, gơ măng 12/10, Kơ dră Kuô̆k hô̆i Vương Đình Huệ tơ ƀâp Khul bơ ngai tĕch mơ dro lơ̆m “Hop akŏm dôm kơ dră chĕp kơ̆l anih tĕch mơ dro Việt Nam păng pôk pơ ư dôm hơ năn tơ mam pran”.

Kơ dră Kuô̆k hô̆i Vương Đình Huệ tơ ƀâp Khul tĕch mơ dro

Chih răk nơ̆r pơ ma đơ̆ng kơ dră chĕp kơ̆l anih tĕch mơ dro lơ̆m jơ tơ ƀâp, Kơ dră Kuô̆k hô̆i Vương Đình Huệ akhan, ‘nâu kŭm jing trong jang đơ̆ng Đảng, Kuô̆k hô̆i păng Khul kơ dră tĕh đak lơ̆m chăl ‘nao năm truh tơ drong jang tŏk dơ̆ng, tưk tơ iung tơ drong jang tŏk hrĕnh pran kơ jăp.

Lơ̆m trong jang hơ met ming mŭk drăm 5 sơ năm truh kŭm nhen trong jang pơ tơm đơ̆ng sơ năm 2022, Anih chĕp kơ̆l pơ gơ̆r Kuô̆k hô̆i pơ ma nuh, drơ̆ng nơ̆r, hơ met ming mŭk drăm tơ klep hăm tơ drong jang tơm druh kiơ̆, tơ iung ming păng jang tŏk mŭk drăm, tơ pôl, hơ tŏk đon kơ chăng kơ dih đơ̆ng anih jang mŭk drăm, hơ tŏk tơ drong tơ jră, ‘moi kiơ hăm tơ drong sar bar, dôm tơ drong ƀơm truh đơ̆ng ưh sơ đơ̆ng mŭk drăm tơ̆ ‘ngoăih dăh mă dôm tơ drong đei ƀơm truh tŏ ‘mi kial tơ plih, tơ drong jĭ jăn.

Dơ̆ng: Tơ blơ̆