VOV4.Bahnar - Đơ̆ng rŏng jang kiơ̆ tơ drong gơ̆h jang păng tơ drong jang kon pơ lei đơ̆ng kơ dih, đơ̆ng hơ nih tăh kơ phiê̆u kơ sô̆ 1, hơ nih pôk rơ̆ih kơ sô̆ 3 pơ lei tơm Hải Phòng, Kơ dră Kuôk hô̆i Vương Đình Huệ, Kơ dră Jơ nŭm vei lăng pôk rơ̆ih teh đak, hlôi pơ truh tơ drong ‘mêm ‘lơ̆ng hơ iă hloh truh hăm kon pơ lei, khŭl linh, bơ ngai tăh hla lơ̆m teh đak lơ̆m năr gĭt kăl kơ teh đak. Kơ dră Kuôk hô̆i pơ ma hơ dăh: “ Lơ̆m khei ‘năr jĭ COVID-19 đei ƀôh kơ tang hloh, krê hơ mơt hloh, lanh să lơ dêh char, pơ lei tơm, nhôn chhơ chhưu rim năr, rim jơ lơ̆m kơ plăh hơ met ăn năr pôk rơ̆ih âu.

‘Năr 22/5, bơ̆n chơt hơ iă ƀơ̆t lơ̆m teh đak 16 dêh char hăm 500.000 ‘nu bơ ngai tăh hla tăh kơ phiê̆u hrôih hăm 99,96% ‘nu bơ ngai tăh hla năm pôk, lơ̆m noh đei 14/16 dêh char iŏk đei kơ sô̆ 100% kơ sô̆ bơ ngai tăh hla năm pôk. Kiơ̆ đơ̆ng ‘măng pôk rơ̆ih âu, bơ̆n roi ƀôh đei jơ hngơ̆m pran đơ̆ng kon pơ lei, hăm tơ drong chĕp kơ̆l đơ̆ng Đảng păng đon tơ chĕng đơ̆ng ƀok Hồ pran kơ tang, gô hơ nhăk teh đak bơ̆n hơ nơ̆ng yak truh iŏk đei lơ jơ nei hloh dơ̆ng.

Thuem: Tơ blơ̆