VOV4.Bahnar - Hơ nơ̆ng bơ̆ jang lơ̆m ‘măng năm hơ pong tơ̆ Hàn Quốc, Kơ dră Quốc hội Vương Đình Huệ truh akŏm lơ̆m jơ pơ ma đam hăm dôm Grŭp jang tih kơ Hàn Quốc yoa Công ty Kim & Chang pơ gơ̆r. Iung pơ ma tơ̆ âu, Kơ dră Kuô̆k hô̆i Vương Đình Huệ pơ ma hơ dăh, tơ drong pơ vei Việt Nam - Hàn Quốc oei mât lơ̆m khei ‘năr tŏk ‘lơ̆ng hlŏh păng oei hơ met ăn tơ drong tơ băt 30 sơ năm pơ jing tơ drong pơ vei, jang tơ bôl sơ năm 2022. 

Lơ̆m ‘măng năm hơ pong âu, Kơ dră Kuô̆k hô̆i Vương Đình Huệ ăn tơ băt, hlôi dơ̆ng lăng tơ drong kĭ pơ kăp păng pơ jao 27 hla ar chih tơ băt, dôm tơ drong drơ̆ng nơ̆r tơ mât jên jang đơ̆ng dôm anih tĕch mơ dro, tơ ring tơ rang kơ 2 tĕh đak đei kơ jă vă jê̆ 10 ti USD, hơ ngăh vă hơ nhăk jơ hngâm pran ‘nao ăn tơ drong tơ mât jên jang, tĕch mơ dro đơ̆ng 2 tĕh đak lơ̆m chăl ‘nao.

Tơ̆ jơ pơ ma đam, dôm bơ ngai tang măt ăn anih tĕch mơ dro Hàn Quốc athei hơ tŏk tơ drong tĕch mơ dro phe tơ̆ tĕh đak đe vă tơ gŭm ăn Việt Nam; ‘mĕh hơ len năng trong jang đunh đai đơ̆ng Việt Nam hăm tơ drong atŏk tơ iung gre ôtô điê̆n; athei Việt Nam tơ lĕch păng vang jang lơ̆m tơ drong jang mobile money, anih mong jên kơ sô̆; set hơ len tơ jur thuê̆; đei trong tơ gŭm găh jên tơ mât jang tơ̆ tơ ring tơ rang, atŏk tơ iung mŭk drăm tơ̆ tơ ring tơ rang, jang hơp tak xăh…

Dơ̆ng: Tơ blơ̆