VOV4.Bahnar - Kơ sơ̆ ‘năr 16/3, Kơ dră Quốc hội Nguyễn Thị Kim Ngân, Kơ dră Jơ nŭm vei lăng pôk rơ̆ih tĕh đak bơ̆ jang hăm Anih pơ gơ̆r jang tơ drong jang pôk rơ̆ih pơ lei tơm Cần Thơ. Truh 5 jơ kơ sơ̆ ‘năr 14/3, Anih vei lăng pôk rơ̆ih pơ lei tơm hlôi sơng iŏk 15 hla ar hô sơ lĕch pơ jei pơm bơ ngai tang măt Quốc hội jăl 15; 108 hô sơ lĕch pơ jei pơm bơ ngai tang măt Jơ nŭm pơ gơ̆r kon pơ lei pơ lei tơm jăl jang 2021-2026, hlôi pơm hla ar ƀiên ƀan pơ tôch tơ drong sơng iŏk hla ar hô sơ lĕch pơ jei pơm bơ ngai tang măt Quốc hội jăl 15, lĕch pơ jei pơm bơ ngai tang măt Jơ nŭm pơ gơ̆r kon pơ lei pơ lei tơm jăl jang 2021-2026 kiơ̆ tơ drong hơ găt.

Pơ ma tơ̆ jơ bơ̆ jang, Kơ dră Quốc hội Nguyễn Thị Kim Ngân athei, đơ̆ng rŏng Hop akŏm pơ ma dơ nŭh ‘măng mă 2, Cần Thơ kăl kơ tŭn pran tơ drong jang tơ roi tơ băt yak trŭh pôk rơ̆ih; lăng kăl tơ drong jang vei sơ đơ̆ng tơ pôl, mă loi ‘nŏh jĭ lơ̆m năr pôk rơ̆ih ‘năr 23/5/2021; kơ chăng rim trong jang vă vei sơ đơ̆ng y tế mă loi ‘nŏh jĭ lơ̆m tơ drong jĭ hơ bŭh COVID-19 oei đei ƀô̆h krê hơ mơt.

Thuem: Tơ blơ̆