VOV4.Bahnar -  Kơ sơ̆ ‘năr 12/10, tơ̆ pơ lei tơm Hồ Chí Minh, Kơ dră teh đak Nguyễn Xuân Phúc păng khŭl tang măt Kuôk hô̆i pơ lei tơm Hồ Chí Minh bơ̆ jang dăr hơ len tơ drong jang kiơ̆ tơ drong jang tang găn jĭ COVID-19 kiơ̆ Tơ chơ̆t 30/2021 đơ̆ng kuôk hô̆i; rim hla ar đơ̆ng Khŭl kơ dră teh đak, Thủ tướng teh đak; rim trong jang vă vei lăng jĭ COVID-19, hơ tŏk tơ iung mŭk drăm - tơ pôl lơ̆m pơ lei tơm tơ̆ hơ năp kơnh. Kơ dră teh đak Nguyễn Xuân Phúc pơ truh nơ̆r vang tơ gŭm gĭt kăl hăm Đảng bộ, khŭl kơ dră păng kon pơ lei pơ lei tơm Hồ Chí Minh găh dôm tơ drong hiong răm, ơh sơ ‘ngon yua đơ̆ng jĭ hơ buh pơm ăn.

Kơ dră teh đak Nguyễn Xuân Phúc vang akŏm jơ dăr hơ len đơ̆ng Khŭl tang măt Kuôk hô̆i pơ lei tơm Hồ Chí Minh găh tơ drong jang tang găn jĭ

Vă tơ iung ming mŭk drăm pơ lei tơm, Kơ dră teh đak athei Pơ lei tơm hơ nơ̆ng vei sơ đơ̆ng dôm tơ drong ‘lơ̆ng mŭk drăm đei hiôk, ‘noh đei chơ chuĕn tơ mam; chơ bơ ngai; rim tơ drong pơ vih pơ văn jên hu, asong tŏk iŏk jên, jên hu ăn anih jang mơ dro sa; pơ gơ̆r dơ̆ng tơ drong tĕch mơ dro tơ mam păng bơ ngai jang. Kŭm hăm ‘noh jĭ tơ iung ming hơ tŏk tơ iung anih jang mơ dro sa, pơ ma dơ nuh vă băt hơ dăh mơ mat tat đơ̆ng rim tơ drong jang.

Thuem: Tơ blơ̆