VOV4.Bahnar - Kơ sơ̆ ‘năr 7/12, Kơ dră teh đak Nguyễn Xuân Phúc vang akŏm păng pơ gơ̆r Hop akŏm Pơ tôch tơ drong jang tơ gŭm ming man hnam oei ăn bơ ngai đei kŏng, lĭnh so dơ nuh hin, ŭnh hnam dơ nuh hin lơ̆m dêh char Hà Giang jăl jang 2019-2021. Kiơ̆ tơ roi tơ băt đơ̆ng dêh char Hà Giang, sơ năm 2021, hlôi sơng iŏk hloh 63,5 ti hlak jên đơ̆ng rim anih jang, kơ dih tơ gŭm ăn tơ drong jang, hlôi tơ lĕch jang păng pơm đang hnam oei ăn kơ vă jê̆ 1.400 ŭnh hnam. Akŏp jên jang rim anih jang, kơ dih tơ gŭm ăn tơ drong jang truh dang ei ‘noh hloh 305,5 ti hlak jên. Đơ̆ng rŏng kơ răp mơ̆ng nơ̆r tơ gop đơ̆ng rim anih tơm, anih jang, dêh char Hà Giang, Kơ dră teh đak  Nguyễn Xuân Phúc lăng ‘lơ̆ng dêh char, mă đơ̆ng jing dêh char dơ nuh hin, tơ ƀơ̆p dơ̆ng mơ mat tat yua đơ̆ng COVID-19 păng ‘mi kial pơ răm, mă lei oei hlôi hơ met ăn, hơ vơn jên ming man hloh 5.100 tŏ hnam. Hăm hloh 5000 tŏ hnam pơm pơ gia, hiăh hiot uơ oei dơ̆ng, Kơ dră teh đak athei hơ nơ̆ng tơ lĕch jang tơ drong jang tơ̆ hơ năp kơnh vă kon pơ lei dă ƀiơ̆ mơ mat tat.

Thuem: Tơ blơ̆