VOV4.Bahnar - Kơ sơ̆ ‘năr 2/11, tơ̆ Ninh Bình, Kơ dră teh đak Nguyễn Xuân Phúc bơ̆ jang hăm Kơ dră dơ nơm kơ dêh char Ninh Bình găh tơ drong jang kiơ̆ trong jang tơ gŭm đơ̆ng Đảng păng khôi luơ̆t đơ̆ng teh đak găh hơ tŏk tơ iung mŭk drăm - tơ pôl păng mŭk drăm hơ dai, hơp tak xăh. Pơ ma tơ̆ jơ bơ̆ jang, Kơ dră teh đak akhan, ‘ngoăih tơ drong hơ drin đơ̆ng rim tơ ring ăn rim hơp tak xăh găh jên jang, kơ măy kơ mŏk nhen hrei ‘nâu ‘noh kăl tơ gŭm rim hơp tak xăh găh pơ gơ̆r vă đei 1 tơ drong jang pơ gơ̆r ‘nao, ‘lơ̆ng, yak hloh hloi đon tơ chĕng găh tơ drong jang hơp tak xăh thoi so. Kơ dră teh đak athei rim tơ ring hơ nơ̆ng pơ tôch Tơ drong tơ chơ̆t 13 đơ̆ng Trung ương; bơ ngơ̆t truh trong jang tơ gŭm, jên jang, tơ drong hiôk vă hơp tak xăh hơ tŏk tơ iung; tơ gŭm jên pơ tho pơ hrăm, tơ roi tơ băt tơ drong hlôh vao, gơ̆h jang ăn rim bơ ngai jang lơ̆m khŭl; pơ trŭt rim anih mong jên mơ dro sa ‘măn jên jang ăn rim hơp tak xăh. Kiơ̆ đơ̆ng noh, Kơ dră teh đak athei Anih tơm tơ lĕch nơ̆r sơ kơ̆t păng tơ mơ̆t jên jang, Jơ nŭm hơp tak xăh Việt Nam păng rim anih jang ƀơm truh jang hơ dai hăm rim tơ ring hơ nơ̆ng pơ tôch 20 sơ năm jang kiơ̆ Tơ drong tơ chơ̆t 13 găh mŭk drăm hơp tak xăh, mŭk drăm tơ pôl.

Thuem: Tơ blơ̆