VOV4.Bahnar - Ƀlep ƀât tơ băt 60 sơ năm Năr pơih Trong Hồ Chí Minh tơ̆ đak dơ sĭ (23/10/1961-23/10/2021), kơ sơ̆ 19/10, tơ̆ Anih jang kơ ƀok Kơ dră tĕh đak, ƀok Nguyễn Xuân Phúc Kơ dră tĕh đak bơ̆n tơ ƀâp khul tang măt ăn đe linh so Trong Hồ Chí Minh tơ̆ đak dơ sĭ păng bơ ngai tang măt ăn đe kăn ƀô̆, linh găh Khul linh đak dơ sĭ đei jơ nei ‘lơ̆ng, hơ gei.

Pơ ma lơ̆m jơ tơ ƀâp, Kơ dră tĕh đak pơ ma hơ dăh, tơ drong pơih trong Hồ Chí Minh tơ̆ đak dơ sĭ tơ ƀôh hơ dăh đon rơ gei đơ̆ng Đảng păng Ƀok Hô ‘mêm kơ eng. Hăm đe linh so trong Hồ Chí Minh tơ̆ đak dơ sĭ, Kơ dră tĕh đak Nguyễn Xuân Phúc hơ pơi ‘mĕh rim linh so hơ nơ̆ng tơ iung tơ drong juăt kơ tang nuih mơng, ‘lơ̆ng hơ iă đơ̆ng Khul ƀato "ưh đei kơ sô̆" vă ling lang jing bơ ngai rơ gei, tơ ƀôh trong chong glung ăn tơ drong jang kăch mang kơ tang nuih mơng, đon adrin tôch ai, hơ nơ̆ng bơ̆ jang tơ iung pơ jing unh hnam, pơ lei pơ la, tĕh đak roi đunh roi pơ drŏng 'lơ̆ng rŏ.

Dơ̆ng: Tơ blơ̆