VOV4.Bahnar - Ƀlep ƀơ̆t Hop akŏm ‘măng mă mônh Khŭl iung jang sa teh đak (25/8), Kơ dră teh đak Nguyễn Xuân Phúc hlôi đei kơ thơ gơ̆ih kơ rim bơ ngai tang măt vang hop akŏm. Lơ̆m kơ thơ đei chih “ Lơ̆m tơ drong hơ tŏk tơ iung kơ teh đak, anih jang mơ dro sa, bơ ngai jang mơ dro sa vei hơ năp jang ‘noh jĭ 1 tơ drong ‘lơ̆ng gĭt kăl. ‘Năr 13.10 rim sơ năm đei Thủ tướng teh đak tơ chơ̆t ‘noh jĭ Năr bơ ngai jang mơ dro sa Việt Nam. Đảng bơ̆n kŭm tơ lĕch tơ drong tơ chơ̆t găh hơ tŏk tơ iung khŭl jang mơ dro sa păng rim anih jang mơ dro sa găh rim tơ drong jang mŭk drăm.

Kơ dră teh đak Nguyễn Xuân Phúc

Đảng, teh đak ling lang bơ ngơ̆t truh athei, tơ gŭm păng yak hơ dai hăm kon pơ lei, pơm rim tơ drong hiôk vă kon pơ lei hơ tŏk tơ iung rim tơ mam, bơ ngai jang hơ gei, hơ tŏk tơ iung tơ drong jang, tơ gop pơ jing teh đak”. Kơ dră teh đak ‘meh vă Khŭl iung jang sa teh đak gô tơ pă jing gơng tơ ƀưh tơ klep đei yua tơ pôl iung jang sa, tơ gop tơ ƀôh tơ drong hơ iă, ‘lơ̆ng, tơ gŭm, pơm kiơ̆ ‘lơ̆ng dôm tơ drong hơ pơi ‘mĕh iung jang sa tơ̆ Việt Nam”.

Thuem: Tơ blơ̆