VOV4.Bahnar - Pơ gê 7/11, Kơ dră tĕh đak Nguyễn Xuân Phúc truh pơm lêh tih tơ băt 40 sơ năm pơ jing Khul lui phât Việt Nam (07/11/1981 - 07/11/2021) hăm hơ năn 40 sơ năm Khul lui phât Việt Nam mât hơ dai păng atŏk tơ iung kŭm hăm tĕh đak. Lêh tih đei pơ gơ̆r trư̆k tuyê̆n đơ̆ng anih pơih pơ dăh Hà Nội truh tơ̆ 63 anih pơih pơ dăh kơ dêh char, plt lơ̆m tĕh đak.

Kơ dră tĕh đak Nguyễn Xuân Phúc tang măt ăn Đảng, tĕh đak gơih pơ kao chơt hơ iă

Pơ ma lơ̆m jơ pơm lêh, Kơ dră tĕh đak Nguyễn Xuân Phúc tang măt ăn kơ dră chĕp kơ̆l Đảng, tĕh đak pơ truh nơ̆r ‘lơ̆ng hơ iă hlŏh ăn đe ƀok chuơ, Khul kơ dră pơ gơ̆r Trung ương Lui phât Việt Nam kŭm hăm đĭ đăng bơ ngai lui phât lơ̆m păng ‘ngoăih kơ tĕh đak. Hăm tơ drong juăt ‘lơ̆ng hơ iă đơ̆ng Lui phât Việt Nam lơ̆m hlŏh 2.000 sơ năm âu ki, Kơ dră tĕh đak hơ pơi ‘mĕh păng ‘măn ƀĕnh đon lui ăn Khul lui phât Việt Nam kŭm hăm rim bơ ngai lui phât lơ̆m tĕh đak hơ nơ̆ng tơ ƀôh hơ dăh bưng ai, hơ năp jang, pơm hơ tŏk tơ drong tơ guăt đĭ đăng hơ drĕch hơ drung, tơ guăt tơ drong lui khop. Atŭm hăm ‘nŏh, hơ nơ̆ng tơ gop vă pơ jing atŏk tơ iung tơ dỏng jŏh ayŏ kơ dŏ xoang Việt Nam rơ gei, ‘lơ̆ng hơ iă.

Dơ̆ng: Tơ blơ̆