VOV4.Bahnar - Kơ sơ̆ ‘năr 23/11, tơ̆ Anih jang kơ ƀok Kơ dră teh đak, Kơ dră teh đak Nguyễn Xuân Phúc hơ păh Mê đai rơ ngei dơ̆ng mă mônh ăn yă Đặng Thị Ngọc Thịnh, hơ drol ki pơm bơ ngai jang lơ̆m Trung ương Đảng, Phŏ kơ dră teh đak hơ drol ki; hơ păh Mê đai rơ ngei dơ̆ng mă mônh ăn kơ ƀok Đào Việt Trung, hơ drol ki pơm bơ ngai jang lơ̆m Trung ương Đảng, Kơ dră vei lăng hơ drol ki Anih bơ̆ jang kơ ƀok Kơ dră teh đak. Kơ dră chĕp kơ̆l Anih bơ̆ jang kơ ƀok Kơ dră teh đak kŭm tơ băt hơ dăh Tơ drong tơ chơ̆t pơ dơh hưu đơ̆ng Anih tơm Chĭnh trĭ hăm dôm bơ ngai jang lơ̆m Trung ương Đảng jăl 12: yă Đặng Thị Ngọc Thịnh păng ƀok Đào Việt Trung. Tang măt kơ dră chĕp kơ̆l Đảng, teh đak, Kơ dră teh đak Nguyễn Xuân Phúc hmach chơt hơ iă, lăng ‘lơ̆ng păng bơ nê tơ drong vang tơ gop đơ̆ng yă Đặng Thị Ngọc Thịnh păng ƀok Đào Việt Trung hlôi jang đang hơ gei hơ năp jang, đei Đảng, teh đak pơ jao.

Thuem: Tơ blơ̆