VOV4.Bahnar - Sơng iŏk nơ̆r krao đơ̆ng Thủ tướng New Zealand, pơ gê 11/11, Kơ dră tĕh đak Nguyễn Xuân Phúc pơ tơm truh Hop akŏm tih APEC ‘măng mă 28 đơ̆ng ‘năr 11 truh 12-11 kiơ̆ trong trư̆k tuyê̆n. Pơ gê 11/11, Kơ dră tĕh đak pơ truh nơ̆r tơ băt ăn Hop akŏm tih anih tĕch mơ dro APEC kiơ̆ ƀăng pham đei kuay hơ met adrol kơ ‘nŏh.

Kơ dră tĕh đak Nguyễn Xuân Phúc pơ truh nơ̆r tơ băt ăn Hop akŏm tih anih tĕch mơ dro APEC

Krao hơ vơn dôm tĕh đak APEC jăh tơ mât jên jang ăn ning mônh kơnh hăm dôm tơ drong jang unh hơ yuh rơ gŏh, jang atŏk tơ iung kơ măy kơ mŏk ‘nao, rơ gŏh ‘lơ̆ng, Kơ dră tĕh đak oei krao hơ vơn dôm tĕh đak APEC, dôm anih tĕch mơ dro păng anih jang hơ doi lơ̆m apŭng plenh tĕh tơ mât jên jang atŏk tơ iung rơ gŏh tơ̆ Việt Nam.

Vă bơ̆ jang dôm tơ drong jang tŏk tơm, jang tŏk rơ gŏh, pran kơ jăp, Kơ dră tĕh đak Nguyễn Xuân Phúc pơ ma truh  hơ năp jang đơ̆ng anih tĕch mơ dro. Lơ̆m nŏh trong jang tŏk, kiơ̆ trong tơ lĕch các bon tŏ sĕt, jang tŏk rơ gŏh kŭm jing tơ drong ‘lơ̆ng vă pơm hơ tŏk kơ sư̆k pơ jei, jang tŏk pran kơ jăp đơ̆ng anih tĕch mơ dro.

Dơ̆ng: Tơ blơ̆