VOV4.Bahnar - Lơ̆m ‘măng năm bơ̆ jang tơ̆ pơ lei tơm Hồ Chí Minh, ‘năr 9/5, Kơ dră teh đak Nguyễn Xuân Phúc hlôi năm tơ mang, asong tơ mam ăn 1,2 ŭnh hnam teh đak tơ gŭm tơ̆ apŭng Củ Chi, pơ lei tơm Hồ Chí Minh. Kơ dră teh đak Nguyễn Xuân Phúc hlôi năm tơ mang, asong tơ mam ăn Linh kon pơ lei nŭih mơng Tô Văn Đực (hơ năn tơ pă ‘noh Tô Hoài Đức, rơ neh sơ năm 1942) oei tơ̆ xăh Nhuận Đức, apŭng Củ Chi. Đang kơ ‘noh, tơ̆ xăh Hòa Phú, Kơ dră teh đak năm tơ mang, asong tơ mam ăn 2 ŭnh hnam teh đak tơ gŭm ‘noh ŭnh hnam ƀok Bùi Văn Hiệp, rơ neh sơ năm 1948, linh jĭ rơ ka hạng 1/4; ŭnh hnam ƀok Trần Hoàng Minh, rơ neh sơ năm 1950, linh jĭ rơ ka hạng 1/4. Kơ dră teh đak pơ ma hơ dăh Đảng, teh đak ling jang chih răk păng ƀlŏk hơ dơ̆r kŏng jang đơ̆ng rim linh jĭ rơ ka, linh lôch dŏng teh đak, ŭnh hnam đei kŏng hăm kach mang hlôi tơ gop pham lĕch sĕch huŏng ăn tơ drong jang iung tơ blăh iŏk rơ ngei teh đak.

Thuem: Tơ blơ̆