VOV4.Bahnar - Sơng iŏk nơ̆r krao đơ̆ng ƀok Pơ tao Campuchia Norodom Sihamoni, Kơ dră tĕh đak Nguyễn Xuân Phúc năm hơ pong tơ̆ tĕh đak Campuchia đơ̆ng ‘năr 21 -22/12. ‘Nâu jĭ ‘măng năm hơ pong tơ̆ Campuchia mă blŭng hăm kơ chư̆k pơm Kơ dră tĕh đak đơ̆ng ƀok Nguyễn Xuân Phúc păng kŭm jing 1 lơ̆m dôm tơ drong jang blŭng a vă pơih trong ăn dôm tơ drong jang hơ iă kơ “Sơ năm jang tơ bôl Việt Nam – Campuchia, Campuchia – Việt Nam” păng tơ băt 55 sơ năm pơ jing tơ drong pơ vei, jang tơ bôl kơ 2 tĕh đak.

Việt Nam păng Campuchia đei tơ drong pơ vei tôch ‘lơ̆ng đơ̆ng 2 tĕh đak jê̆ băl; tơ drong pơ vei ‘lơ̆ng đơ̆ng sơ̆, jang hơ doi tôm tơ drong đunh đai. Ƀât mă 2 tĕh đak oei pơ gơ̆r lơ tơ drong jang tơ băt gĭt kăl lơ̆m tơ drong pơ vei ‘nŏh, ‘măng năm hơ pong tơ̆ Campuchia âu đơ̆ng Kơ dră tĕh đak vă tơ ƀôh hơ dăh dơ̆ng: Đảng, tĕh đak păng kon pơ lei Việt Nam tôch năng kăl tơ drong pơ vei hăm Campuchia.

Dơ̆ng: Tơ blơ̆