VOV4.Bahnar - Sơng iŏk nơ̆r krao đơ̆ng Bí thư mă 1 Khul kơ dră chĕp kơ̆l Trung ương Đảng Cộng sản Cuba, Kơ dră tĕh đak Cộng hòa Cuba Miguel Díaz-Canel, pơ gê ‘nâu (18/9), kiơ̆ jơ Việt Nam, Kơ dră jang lơ̆m Anih tơm Chinh trĭ, Kơ dră tĕh đak Nguyễn Xuân Phúc chĕp kơ̆l khul tang măt ăn tĕh đak bơ̆n năm hơ pong tơ̆ Cuba đơ̆ng ‘năr 18 - 21/9.

Kơ dră tĕh đak Nguyễn Xuân Phúc năm hơ pong tơ̆ tĕh đak Cuba

Năm kiơ̆ Kơ dră tĕh đak Nguyễn Xuân Phúc lơ̆m ‘măng năm hơ pong âu đei ƀok Phan Đình Trạc, Kơ dră jang lơ̆m Anih tơm Chinh trĭ, Bí thư Trung ương Đảng, Kơ dră chĕp kơ̆l Anih jang Nô̆i chĭnh Trung ương; ƀok Bùi Thanh Sơn, Kơ dră jang lơ̆m Trung ương Đảng, Kơ dră tơm jang tơ bôl kŭm hăm kơ dră chĕp kơ̆l 1,2 anih jang kơ pal tơ̆ Trung ương.

‘Nâu jĭ ‘măng năm hơ pong tôch gĭt kăl yoa Kơ dră tĕh đak Nguyễn Xuân Phúc ‘nŏh jĭ kơ dră tĕh đak đe mă blŭng năm hơ pong tơ̆ Cuba đơ̆ng rŏng kơ boăl pơ gơ̆r đang ‘lơ̆ng Hop akŏm Đảng ‘măng mă VIII păng Việt Nam kŭm pơ gơ̆r đang ‘lơ̆ng Hop akŏm Đảng lơ̆m tĕh đak ‘măng mă XIII. ‘Măng năm hơ pong tơ ƀôh hơ dăh tơ drong pơ vei gĭt kăl, hơ nơ̆ng tơ gŭm băl đơ̆ng Việt Nam hăm Cuba. Kiơ̆ đơ̆ng ‘măng năm hơ pong âu gô pơm pơ ‘lơ̆ng hlŏh dơ̆ng tơ drong pơ vei 2 păh, hơ tŏk tơ drong jang hơ doi lơ̆m rim tơ drong roi đei yoa hlŏh dơ̆ng.

Dơ̆ng: Tơ blơ̆