VOV4.Bahnar - Sơng iŏk nơ̆r krao đơ̆ng Kơ dră tơm tĕh đak Nga Vladimir Putin, Kơ dră tĕh đak Nguyễn Xuân Phúc chĕp khul tang măt ăn tĕh đak Việt Nam năm hơ pong tơ̆ tĕh đak Nga đơ̆ng ‘năr 29/11 truh ‘năr 2/12/2021.

Khei 5/2019, hăm kơ chư̆k pơm Thủ tướng, ƀok Nguyễn Xuân Phúc năm hơ pong tơ̆ Nga păng đei jơ tơ ƀâp hăm Kơ dră tơm Nga Vladimir Putin

‘Nâu jĭ ‘măng năm hơ pong gĭt kăl tơ băt 71 sơ năm Việt Nam păng Nga pơ jing tơ drong pơ vei, jang tơ bôl, 20 sơ năm 2 tĕh đak kĭ tơ drong Tơ chơ̆t atŭm găh pơ vei jang hơ doi gĭt kăl păng vă jê̆ 10 sơ năm tơ lĕch tơ drong tơ chơ̆t atŭm găh hơ tŏk hlŏh dơ̆ng tơ drong pơ vei jang hơ doi gĭt kăl tôm tơ drong, đơ̆ng nŏh pơih đei lơ trong jang hơ doi ‘nao đơ̆ng 2 tĕh đak. 

‘Măng năm hơ pong tơ̆ Nga mă âu đơ̆ng Kơ dră tĕh đak Nguyễn Xuân Phúc oei hơ mĕng pơm hơ tŏk hlŏh dơ̆ng tơ drong jang hơ doi Việt Nam – Nga lơ̆m tơ drong tang găn jĭ COVID-19, mă loi ‘nŏh jĭ athei Nga tơ gŭm vaccine păng pơ truh kơ măy kơ mŏk pơm vắc xin ăn Việt Nam. Kiơ̆ đơ̆ng nŏh tơ gŭm ăn 2 tĕh đak vei lăng ‘lơ̆ng tơ drong jĭ păng tưk tơ iung tơ drong jang hơ doi đơ̆ng 2 tĕh đak roi ‘lơ̆ng păng roi đei yoa.

Dơ̆ng: Tơ blơ̆