VOV4.Bahnar - Kiơ̆ tơ drong tơ roi đơ̆ng Anih tơm jang tơ bôl, ‘năr 19/4 tơ̆ Hà Nội, hăm kơ chư̆k pơm Kơ dră Jơ nŭm vei lăng sơ đơ̆ng Liên Hợp Quốc khei 4/2021, Kơ dră tĕh đak Nguyễn Xuân Phúc pơ gơ̆r jơ pơ ma nuh tih đei hơ năn “Hơ tŏk tơ drong jang hơ doi đơ̆ng Liên Hợp Quốc păng dôm khul grŭp lơ̆m tơ ring vă pơ jing đon lui păng pơ ma nuh tang găn, sek tơ lang pơ 'lơ̆ng tơ drong tơ blăh vang” kiơ̆ trong trư̆k tuyê̆n păng kơ tă hloi.

Kơ dră tĕh đak Nguyễn Xuân Phúc

'Nâu jĭ tơ drong tôch gĭt kăl mă Việt Nam pơ gơ̆r hăm kơ chư̆k pơm Kơ dră Jơ nŭm vei lăng sơ đơ̆ng, anih jang tôch gĭt kăl kơ LHQ đei hơ năp jang tang găn tơ blăh tơ blŭng, vei kơ jăp tơ drong rơ ngei păng sơ đơ̆ng lơ̆m apŭng plenh tĕh.

Phŏ Kơ dră tơm jang tơ bôl Đặng Hoàng Giang ăn tơ băt, Việt Nam pơ gơ̆r păng pơ ma nuh kiơ̆ Nơ̆r tơ chơ̆t đơ̆ng Kơ dră vei lăng Jơ nŭm vei lăng sơ đơ̆ng. Nơ̆r tơ chơ̆t đei lơ tơ drong kăl, tơ ƀôh hơ dăh tơ drong kăp gĭt đơ̆ng jang hơ doi đơ̆ng Liên Hợp Quốc păng dôm khul grŭp tơ̆ tơ ring vă tang găn, sek tơ lang pơ '‘ơ̆ng tơ drong tơ blăh tơ blŭng kiơ̆ trong jang rơ ngei, kiơ̆ tơ drong hơ găt đơ̆ng luơ̆t apŭng plenh tĕh păng khôi luơ̆t tơm Liên Hợp Quốc.

Dơ̆ng: Tơ blơ̆