VOV4.Bahnar - Kơ sơ̆ ‘năr 16/9, Kơ dră teh đak Nguyễn Xuân Phúc hlôi tơ chơ̆t pôk hơ tŏk kơ chư̆k pơm Kơ dră chĕp kơ̆l anih sek tơ lang gĭt kăl hăm 4 ‘nu kơ dră chĕp kơ̆l sek tơ lang, đơ̆ng rŏng kơ hlôi đei Kuôk hô̆i kĭ ăn. 4 ‘nu kơ dră chĕp kơ̆l sek tơ lang đei pôk hơ tŏk pơm Kơ dră chĕp kơ̆l Anih sek tơ lang kon pơ lei gĭt kăl ‘noh jĭ Phŏ Chánh án Anih sek tơ lang gĭt kăl tơ̆ Hà Nội Đào Thị Minh Thủy; Phŏ Anih sek tơ lang gĭt kăl tơ̆ Đà Nẵng Nguyễn Văn Dũng; Chánh án Anih sek tơ lang gĭt kăl tơ̆ Bến Tre Nguyễn Biên Thùy păng Chánh Văn phòng Anih sek tơ lang gĭt kăl Ngô Tiến Hùng.

Kơ dră teh đak pơ jao tơ drong tơ chơ̆t pôk hơ tŏk kơ dră chĕp kơ̆k Anih sek tơ lang kon pơ lei gĭt kăl

Pơ jao hơ năp jang ăn rim kơ dră chĕp kơ̆l Anih sek tơ lang kon pơ lei gĭt kăl, Kơ dră teh đak Nguyễn Xuân Phúc athei, bơ ngai sek tơ lang athei ling lang hlôh vao đei tơ drong jang tơ năp mă ‘lơ̆ng tơ̆ hơ năp khôi luơ̆t; athei tơ ƀôh đon nuih lơ̆m hơ năp jang ‘noh jĭ bơ ngai jang kơ anih sek tơ lang kơ tih hloh; hơ dai hăm ‘noh jang ‘lơ̆ng tơ drong jang pơ jing khôi luơ̆t.

Thuem: Tơ blơ̆