VOV4.Bahnar - Tơ̆ kơ sơ̆ ‘năr 21/12 mơ̆n, lơ̆m ‘măng năm hơ pong tơ̆ tĕh đak Campuchia, Kơ dră tĕh đak Nguyễn Xuân Phúc đei jơ pơ ma nuh hăm Kơ dră Kuô̆k hô̆i Campuchia Heng Samrin. Tơ̆ jơ pơ ma nuh, 2 ‘nu kơ dră chĕp kơ̆l pơ ma hơ dăh Việt Nam păng Campuchia jĭ 2 tĕh đak jê̆ băl đei tơ drong pơ vei ‘lơ̆ng hơ iă, tơ guăt 1 ƀơ̆r đon, hơ nơ̆ng tơ gŭm băl, jĭ tơ drong hưch hanh păng jing tơ mam tôch kăp gĭt kơ 2 hơ drĕch hơ drung mă rim jơ hnơr đơ̆ng rŏng kơ 2 tĕh đak athei hơ nơ̆ng vei kơ jăp păng tưk tơ iung hlŏh dơ̆ng.

Kơ dră tĕh đak Nguyễn Xuân Phúc pơ ma nuh hăm Kơ dră Kuô̆k hô̆i Campuchia

Ƀar păh drơ̆ng nơ̆r tơ̆ hơ năp kơnh vă hơ nơ̆ng tơ ƀâp, pơ ma nuh tih kiơ̆ rim trong; hơ tŏk tơ drong pơ ma nuh kŭm nhen pơ gơ̆r dôm ‘măng tơ ƀâp ăn đe ngĭ si, Grŭp ngĭ si jang tơ bôl, Grŭp drŏ kăn pơm bơ ngai tang măt Kuô̆k hô̆i, Grŭp bơ ngai tang măt Kuô̆k hô̆i oei mơ lôh kơ 2 tĕh đak; hơ nơ̆ng tưk tơ iung hơ năp jang đơ̆ng Kuô̆k hô̆i 2 tĕh đak vă pơm hơ tŏk tơ drong pơ vei 2 pang; hơ nơ̆ng jang hơ doi mă kơ jăp, tơ gŭm băl tơ̆ dôm hop akŏm khul grŭp tơ̆ tơ ring păng lơ̆m apŭng plenh tĕh nhen AIPA, Grŭp Nghị viện apŭng plenh tĕh, Hop akŏm Nghị viện châu Á-Thái Bình Dương.

Dơ̆ng: Tơ blơ̆