VOV4.Bahnar - Hơ nơ̆ng năm hơ pong tơ̆ Cuba, ‘năr brei (19/9), tơ̆ Anih tơm La Habana, Cuba, Kơ dră tĕh đak Nguyễn Xuân Phúc pơ ma nuh hăm Thủ tướng Cuba Manuel Marrero Cruz păng kơ dră chĕp kơ̆l lơ anih tơm, anih jang kơ pal kơ Cuba.

Kơ dră tĕh đak Nguyễn Xuân Phúc păng Thủ tướng Cuba Manuel Marrero Cruz

Tơ̆ jơ pơ ma nuh, Kơ dră tĕh đak Nguyễn Xuân Phúc lui, hăm tơ drong chĕp kơ̆l pơ gơ̆r đơ̆ng Thủ tướng Manuel Marero Cruz, Khul kơ dră tĕh đak Cuba gô đei lơ tơ drong jơ nei ‘nao lơ̆m tơ drong pơ gơ̆r tĕh đak păng jang mŭk drăm. 2 păh hlôi yak hlŏh lơ tơ drong nol, vei kơ jăp dôm tơ drong pơ ma nuh tih păng dôm trong jang hơ doi kiơ̆ trong trư̆k tuyê̆n; tơ tom tơ gŭm băl tơ jră hăm tơ drong jĭ Covid-19, tơ ƀôh hơ dăh jơ hngâm đon pơ vei gĭt kăl, 1 ƀơ̆r đon păng tơ gŭm băl.

Kơ dră tĕh đak Nguyễn Xuân Phúc hơ pơi ‘mĕh Khul kơ dră 2 tĕh đak jang hơ doi kơ jăp, tơ lĕch jang ‘lơ̆ng dôm tơ drong drơ̆ng nơ̆r, dôm trong jang hơ doi hlôi đei, mă loi ‘nŏh jĭ hơ tŏk tơ drong đei yoa đơ̆ng Anih jang hơ doi kơ 2 Khul kơ dră tĕh, tơ gop hơ nhăk tơ drong pơ vei 2 tĕh đak tŏk roi đunh roi đei yoa, hơ tŏk tơ drong jang hơ doi mŭk drăm, tĕch mơ dro păng tơ mât jên jang tơ găl hăm tơ drong pơ vei chinh trĭ ‘lơ̆ng hơ iă đơ̆ng 2 tĕh đak.

Dơ̆ng: Tơ blơ̆