VOV4.Bahnar - ‘Năr brei (22/8), ƀok Nguyễn Xuân Phúc, Kơ dră jang lơ̆m Anih tơm Chinh trĭ, Kơ dră tĕh đak Cộng hòa xã hội chủ nghĩa Việt Nam chĕp kơ̆l khul tang măt ăn Đảng, tĕh đak, Mặt trận Tổ quốc Việt Nam truh sŏh plang nhang ƀlŏk hơ dơ̆r kơ Đại tướng Võ Nguyên Giáp, tơ băt 110 sơ năm năr rơ nĕh Đại tướng (25/8/1911-25/8/2021).

Kơ dră tĕh đak Nguyễn Xuân Phúc sŏh plang nhang ƀlŏk hơ dơ̆r kơ Đại tướng Võ Nguyên Giáp

Đại tướng jĭ hŏk trong tôch rơ gei păng hơ nơ̆ng kiơ̆ Ƀok Hô. Đĭ jơ hnơr, Đại tướng druh kiơ̆ tơ drong jang kăch mang đơ̆ng Đảng păng hơ drĕch hơ drung. Tơ̆ Đại tướng Võ Nguyên Giáp ling lang đei ƀôh jơ hngâm đon ‘lơ̆ng hơ iă đơ̆ng linh kăch mang nuih mơng, 1 jơ hngâm kiơ̆ tơ drong jang kăch mang đơ̆ng Đảng. 

Đại tướng Võ Nguyên Giáp jĭ bơ ngai tôch rơ gei găh khul linh, kŭm hăm đĭ đăng Đảng, đĭ đăng kon pơ lei, đĭ đăng khul linh năm đơ̆ng tơ drong tơ blăh jơ nei ‘nâu truh tơ blăh jơ nei to, pơ jing đei lơ tơ drong jơ nei tih tên. Đại tướng Võ Nguyên Giáp jĭ bơ ngai juăt jang tôch rơ gei găh trong tơ blăh kơ kon pơ lei đơ̆ng tơ drong tơ blăh iŏk rơ ngei hơ drĕch lơ̆m tĕh đak păng lơ̆m apŭng plenh tĕh.

Dơ̆ng: Tơ blơ̆