VOV4.Bahnar - Hơ nơ̆ng dôm tơ drong jang pơ trŭt mơ dro sa, tơ mơ̆t jên jang ƀlep ƀơ̆t vang năm Hop akŏm pơ ma dơ nuh atŭm kơ dră kơ pal Jơ nŭm atŭm jăl 76 kơ Liên Hợp quốc, ‘năr 22/9, kiơ̆ jơ tơ ring, kơ dră teh đak Nguyễn Xuân Phúc hlôi đei dôm ‘măng sơng Khŭl jang tĕch mơ dro Mi - ASEAN (USABC), Khŭl jang mơ dro sa Mi, anih jang mơ dro sa Mi păng kơ dră rim anih jang mơ dro sa, grŭp jang lơ teh đak... Kơ dră teh đak Nguyễn Xuân Phúc lăng ‘lơ̆ng hơ năp jang đơ̆ng rim khŭl jang, anih jang mơ dro sa Mi lơ̆m tơ drong pơ trŭt rim anih jang mơ dro sa Mi tĕch mơ dro păng tơ mơ̆t jên jang tơ̆ Việt Nam lơ̆m lơ sơ năm âu ki. Tơ̆ hơ năp kơnh, Kơ dră teh đak athei rim khŭl jang hơ nơ̆ng pơ trŭt rim anih jang mơ dro sa Mi tơ mơ̆t jên jang tơ̆ Việt Nam, mă loi ‘noh jĭ lơ̆m dôm tơ drong jang nhen kơ măy kơ mŏk ‘nao, anih jang kăl, jên hu....; hơ nhăk Việt Nam lơ̆m rim tơ drong jang tĕch mơ dro lơ̆m tơ ring păng lơ̆m jơ̆p plei teh. Kŭm hăm ‘noh krao hơ vơn khŭl kơ dră teh đak Mi hơ nơ̆ng tơ gŭmm vaccine bơ̆ng jĭ COVID-19 păng tơ mam, pơ jao kơ măy kơ mŏk pơm tơ lĕch vaccine ăn Việt Nam.

Thuem: Tơ blơ̆