VOV4.Bahnar - Kŭm lơ̆m jơ năr năm tơ mang, Kơ dră teh đak Nguyễn Xuân Phúc hlôi đei dôm ‘măng tơ ƀơ̆p hăm ƀok Khamtai Siphandone, sơ̆ pơm kơ dră Đảng, sơ̆ pơm kơ dră teh đak; ƀok Choummaly Sayasone, sơ̆ pơm Tổng Bí thư, sơ̆ pơm kơ dră teh đak păng ƀok Bounnhang Vorachith, sơ̆ pơm Tổng Bí thư, sơ̆ pơm kơ dră teh đak Lào. Tơ̆ rim ‘măng tơ ƀơ̆p, Kơ dră teh đak Nguyễn Xuân Phúc tơ ƀôh đon chơt hơ iă đei tơ ƀơ̆p dơ̆ng dôm bơ ngai ‘nhŏng, bơ ngai jang hơ dai, bơ ngai buăl kơ Đảng, teh đak păng kon pơ lei Việt Nam. Dôm kơ dră chĕp kơ̆l gĭt kăl so kơ teh đak Lào tơ ƀôh jơ hngơ̆m đon chhôk hơ iă tơ̆ hơ năp tơ drong hơ tŏk tơ iung ‘lơ̆ng hơ iă đơ̆ng tơ drong pơ vei 1 jơ hngơ̆m đon gĭt kăl đơ̆ng 2 Đảng, 2 teh đak păng kon pơ lei 2 teh đak lơ̆m khei ‘năr âu ki; lăng ‘lơ̆ng dôm jơ nei iŏk đei lơ̆m ‘măng pơ ma đam păng pơ ma dơ nuh; athei 2 păh hơ nơ̆ng bơ ngơ̆t truh pơ tho pơ hrăm păng tơ roi tơ băt ăn kon pơ lei 2 teh đak, mă loi ‘noh jĭ jơ hnơr mơ lôh găh tơ drong joăt joe pơ vei gĭt kăl, tơ klep 1 jơ hngơ̆m đon Lào - Việt Nam, Việt Nam - Lào.

Thuem: Tơ blơ̆