VOV4.Bahnar - Kơ sơ̆ ‘năr 4/5, tơ̆ Hà Nội, Kơ dră teh đak Nguyễn Xuân Phúc pơ gơ̆r jơ bơ̆ jang hăm kơ dră rim anih jang tư pháp trung ương păng Anih tơm vei lăng Kŏng an găh tơ drong pơm kiơ̆ Luơ̆t ăn brŏk hrôih đơ̆ng hnam pơ nă sơ năm 2018. Kiơ̆ hơ len lăng đơ̆ng dôm bơ ngai vang hop akŏm, Luơ̆t ăn brŏk hrôih đơ̆ng hnam pơ nă sơ năm 2018 hlôi hơ met ‘lơ̆ng dôm tơ drong ư̆h kơ ‘lơ̆ng đơ̆ng Luơ̆t ăn brŏk hrôih đơ̆ng hnam pơ nă sơ năm 2007. Luơ̆t kŭm hlôi pơ jao kơ Khŭl kơ dră teh đak tơ chơ̆t hơ dăh 1,2 tơ drong đơ̆ng bơ ngai đei athei ăn brŏk hrôih đơ̆ng hnam pơ nă, hla ar hô sơ athei ăn brŏk hrôih đơ̆ng hnam pơ nă, hơ năp jang đơ̆ng Anih vei lăng kon pơ lei rim tơ ring, anih jang pơ gơ̆r đei ƀơm truh... Pơ ma tơ̆ jơ hop akŏm, Kơ dră teh đak  Nguyễn Xuân Phúc athei tơ drong tơ lĕch jang ăn brŏk hrôih đơ̆ng hnam pơ nă athei jang kiơ̆ kơ jăp, tơ păt, rơ đăh, ƀlep tơ drong hơ găt đơ̆ng khôi luơ̆t păng ư̆h kơ lê̆ đei ƀôh ư̆h kơ ‘lơ̆ng. Mư̆h đei trong jang tơ pă đơ̆ng Đảng, teh đak ‘noh kăl kơ chăng hơ met ăn rim hla ar, pơ tho đei ƀơm truh, jang kiơ̆ ƀlep tơ drong hơ găt Luơ̆t ăn brŏk hrôih đơ̆ng hnam pơ nă sơ năm 2018.

Thuem: Tơ blơ̆