VOV4.Bahnar - Kơ sơ̆ ‘năr 22/6, Kơ dră teh đak Nguyễn Xuân Phúc- Kơ dră Anih pơ gơ̆r jang hơ met ming Tư pháp Trung ương păng Kơ dră Ban Nội chính Trung ương Phan Đình Trạc hlôi pơ gơ̆r jơ bơ̆ jang đơ̆ng Khŭl chĕp kơ̆l Anih pơ gơ̆r jang vă ăn tơ gop nơ̆r hăm hla ar chih tơ drong jang hơ met tôm bơ ngai jang Anih pơ gơ̆r jang hơ met ming Tư pháp Trung ương. Drơ̆ng nơ̆r hăm hla ar chih tơ roi tơ băt đơ̆ng Ban Nội chính Trung ương, Kơ dră teh đak Nguyễn Xuân Phúc pơ ma hơ dăh tơ drong kăl pơ jing tơ drong jang hơ met tôm bơ ngai jang pơ gơ̆r păng bơ̆ jang đơ̆ng Anih pơ gơ̆r jang hơ met ming tư pháp Trung ương vă pơm lăp hăm ‘mĕh vă chĕp kơ̆l, pơ gơ̆r tơ drong jang hơ met ming tư pháp, kiơ̆ đơ̆ng noh hơ nơ̆ng tơ plih ‘nao, hơ tŏk loi dơ̆ng, vei sơ đơ̆ng tơ drong chĕp kơ̆l kơ jăp đơ̆ng Đảng hăm pơ gơ̆r păng bơ̆ jang đơ̆ng rim anih jang tư pháp, mă loi ‘noh jĭ lơ̆m tơ drong jang dăr hơ len, hơ met pơ ‘lơ̆ng rim tơ drong, hơ met ming tơ drong pơ hơi chĕp kơ̆l dăh mă găn ga ư̆h kơ ƀlep lơ̆m bơ̆ jang tư pháp.

Thuem: Tơ blơ̆