VOV4.Bahnar - Pơ gê ‘năr 3/6, tơ̆ anih jang kơ ƀok dră teh đak, Kơ dră teh đak Nguyễn Xuân Phúc, Kơ dră Jơ nŭm vei lăng Khŭl linh păng vei sơ đơ̆ng, Kơ dră chĕp kơ̆l khŭl linh kon pơ lei pơ jao Tơ drong tơ chơ̆t pôk hơ tŏk kơ chư̆k Kơ dră dơ nơm jang tơ gŭm Khŭl linh kon pơ lei Việt Nam ăn kơ Thượng tướng Nguyễn Tân Cương – Bơ ngai jang lơ̆m Trung ương Đảng, Bơ ngai jang chĕp kơ̆l pơ gơ̆r Quân ủy Trung ương, Phŏ kơ dră Anih tơm vei lăng khŭl linh.

Kơ dră teh đak Nguyễn Xuân Phúc lui ngeh păng ‘mĕh vă Thượng tướng Nguyễn Tân Cương kiơ̆ lơ̆m kơ chư̆k jang ‘nao hơ nơ̆ng pơ hrăm jơ hngơ̆m đon nŭih chĭnh trĭ, đon tơ chĕng kơ jăp, 1 jơ hngơ̆m đon hăm Đảng, teh đak, Khŭl linh păng kon pơ lei; hơ drin iung jang kŭm hăm Quân ủy Trung ương, kơ dră chĕp kơ̆l Anih tơm vei lăng Khŭl linh chĕp kơ̆l, pơ gơ̆r, hơ tŏk ‘lơ̆ng tơ drong pơ hrăm, khŏm iung tơ blăh, vei sơ đơ̆ng Khŭl linh bơ̆n ling lang jang đang hơ gei hloh rim tơ drong jang mă Đảng, teh đak, khŭl linh păng kon pơ lei pơ jao.

Thuem: Tơ blơ̆