VOV4.Bahnar - Lơ̆m jơ năr năm tơ mang tơ̆ Liên bang Nga, Kơ dră teh đak Nguyễn Xuân Phúc hlôi pơ ma dơ nuh hăm Kơ dră Jơ nŭm Liên bang Kuôk hô̆i Liên bang Nga Valentina Matvienko. Tơ̆ ‘măng hop akŏm, Kơ dră teh đak Nguyễn Xuân Phúc păng Kơ dră Jơ nŭm Liên bang Matvienko lăng ‘lơ̆ng tơ drong pơ vei Việt Nam – Nga hơ nơ̆ng hơ tŏk tơ iung ‘lơ̆ng khei ‘năr âu ki, ‘noh đei lơ̆m rim tơ drong jang chĭnh trĭ, mŭk drăm, mơ dro sa păng tơ mơ̆t jên jang, khŭl linh păng vei sơ đơ̆ng, ŭnh hơ yuh păng đak dâu, pơ tho pơ hrăm păng khoa hŏk..., tơ ƀôh đon chhôk hơ iă tơ̆ hơ năp iŏk yua jang hơ dai đơ̆ng 2 teh đak lơ̆m tang găn jĭ hơ buh COVID-19.

Kơ dră teh đak pơ ma dơ nuh hăm Kơ dră Jơ nŭm Liên bang Nga

Lơ̆m noh, tơ drong pơ vei đơ̆ng Kuôk hô̆i 2 teh đak đei hơ năp jang tôch kơ gĭt kăl. Kơ dră teh đak Nguyễn Xuân Phúc kŭm hôn bơ nê tơ drong jang hơ dai kơ jăp đơ̆ng kuôk hô̆i Việt Nam păng Nga tơ̆ dôm hop akŏm apŭng plĕnh teh păng tơ ring.

Thuem: Tơ blơ̆