VOV4.Bahnar - Bơ̆ jang tơ̆ plt HCM, kơ sơ̆ 21/5, Kơ dră tĕh đak Nguyễn Xuân Phúc dăr lăng tơ drong jang tang găn jĭ, vei lăng sơ đơ̆ng ăn kon pơ lei năm khăm hơ met jĭ tơ̆ Hnam pơ gang apŭng Củ Chi. Tơ̆ hơ năp tơ drong jĭ COVID-19, Kơ dră tĕh đak pơ ma hơ dăh, hăm tơ drong chĕp kơ̆l đơ̆ng Đảng, rim anih jang chinh trĭ vang mât jang tôch tơ năp, lơ̆m nŏh, đe y ƀak si prăt măng, prăt năr bơ̆ jang hiơt kơ dih kâu, vang tang găn jĭ lơ̆m rim tơ drong, đơ̆ng set hơ len jĭ, chĕng găn tơ ring, ăn oei hơ drô̆, hơ met jĭ, vei lăng ‘lơ̆ng jơ hngâm pran păng tơ drong arih ăn kon pơ lei.

Kơ dră tĕh đak pôk pơ ư khul kăn ƀô̆, bơ ngai jang pơ gang tơ̆ plt HCM păng Hnam pơ gang apŭng Củ Chi đei lơ trong jang ‘lơ̆ng, đei yoa mưh tang găn jĭ păng pơ ma hơ dăh athei đei đon jang mă tơ năp, ưh gơ̆h lê̆ rim hnam pơ gang lơ̆m tĕh đak ƀơm ưh ‘lơ̆ng đơ̆ng jĭ COVID-19. Kŭm hăm tơ drong chĕp kơ̆l pơ gơ̆r đơ̆ng Đảng, tĕh đak, Kơ dră tĕh đak athei rim khul kơ dră pơ gơ̆r tơ ring đei trong găn ‘lơ̆ng lơ̆m tĕh đak, mă loi ‘nŏh tơ̆ dôm tơ ring kơ drâm tih, dôm tơ ring jang kơ măy, anih chă tơ mang lăng, dôm hnam pơ gang, ưh gơ̆h lê̆ đei tơ drong ưh tom băt.

Dơ̆ng: Tơ blơ̆