VOV4.Bahnar - Kơ sơ̆ 3/8, tơ̆ Anih jang kơ ƀok Kơ dră tĕh đak, Kơ dră tĕh đak bơ̆n Nguyễn Xuân Phúc tơ ƀâp dôm bơ ngai jang rơ gei lơ̆m tơ drong bơ̆ jang kiơ̆ 2 tơ drong jang tơm tơ̆ hnam kơ măy chơ chŏh hơ băn ao Việt Nam. Pơ ma lơ̆m jơ tơ ƀâp, Kơ dră tĕh đak Nguyễn Xuân Phúc pơ truh nơ̆r jet gia, pơ ma nuh hăm đĭ đăng công nhân, bơ ngai jang tơ̆ hnam kơ măy chơ choh hơ băn ao Việt Nam oei tơ jră hăm lơ tơ drong mơ mat tat yao đơ̆ng jĭ Covid-19.

Kơ dră tĕh đak pơ truh nơ̆r jet gia, pơ ma nuh hăm khul công nhân tơ̆ hnam kơ măy chơ chŏh hơ băn ao

Kơ dră tĕh đak pơ ma hơ dăh, ƀât oei đei jĭ hơ buh, tơ dăh rim anih jang pơ dơ̆h jang ngăl ‘nŏh tĕh đak gô tơ ƀâp lơ tơ drong mơ mat tat. Yoa thoi nŏh, dôm bơ ngai jang rơ gei tơ̆ hnam kơ măy chơ chŏh hơ băn ao jing tơ drong ăn ƀôh, lơ̆m tơ drong mơ mat tat oei đei lơ bơ ngai jang rơ gei, đei đon adrin yak hlŏh mơ mat tat, đei trong jang đei yoa ‘lơ̆ng vă vei lăng jơ hngâm pran ăn công nhân hai, vei kơ jăp tơ drong bơ̆ jang hai, pơ ngơ̆t ăn tơ drong arih xa kơ đe công nhân bơ ngai jang. Lơ̆m hnam kơ măy ‘nao lăp đei 209 ‘nu bơ ngai F0, ăn ƀô̆h trong jang tôch ‘lơ̆ng đơ̆ng bơ̆ jang hai, vei lăng jơ hngâm pran ăn bơ ngai jang hai, ‘nŏh jĭ trong jang gơ̆h pơih xă tơ̆ dôm anih jang nai.

Dơ̆ng: Tơ blơ̆