VOV4.Bahnar - Kơ sơ̆ ‘năr 18/10, tơ̆ Hà Nội, Kơ dră teh đak Nguyễn Xuân Phúc, Kơ dră Jơ nŭm khŭl linh vei lăng sơ đơ̆ng, vang pơm lêh pôk pơ ư kơ rim khŭl grŭp păng rim bơ ngai đei jang hơ gei hloh lơ̆m vang bơ̆ jang vei lăng tơ drong rơ ngei Liên hợp quốc. Đơ̆ng khei 6 sơ năm 2014 truh dang ei, Việt Nam hlôi ăn 246 ‘măng kang ƀô̆, bơ ngai jang kơ Khŭl linh Việt Nam năm jang tơ drong jang vei lăng rơ ngei Liên hợp quốc tơ̆ Nam Xu-đăng, Cộng hòa Trung Phi păng Anih bơ̆ jang kơ Liên hợp quốc (New York, Mi). Lơ̆m noh đei 3 Hnam pơ gang pơm pơ gia jăl 2 đei Liên hợp quốc lăng ‘lơ̆ng tơ drong gơ̆h jang, dôm đe y ƀak si Việt Nam, ‘măn ăn dôm tơ drong ‘lơ̆ng hơ iă hăm dôm bơ ngai jĭ yua kơ jơ hngơ̆m đon jang tơ năp, bơ̆ jang đĭ jơ hngơ̆m yua kơ bơ ngai jĭ. Tang măt Kơ dră chĕp kơ̆l Đảng, Teh đak, Kơ dră teh đak Nguyễn Xuân Phúc pôk pơ ư, lăng ‘lơ̆ng dôm jơ nei đơ̆ng khŭl linh vei lăng sơ đơ̆ng Liên hợp quốc, athei Anih tơm vei lăng khŭl linh hăm rim Anih tơm, anih jang hơ nơ̆ng bơ̆ jang đei yua Tơ drong jang akŏm găh tơ drong Việt Nam vang bơ̆ jang vei lăng sơ đơ̆ng Liên hợp quốc hlôi đei Anih tơm Chĭnh trĭ pơ drơ̆ng kiơ̆.

Thuem: Tơ blơ̆