VOV4.Bahnar - Hơ nơ̆ng bơ̆ jang tơ̆ plt HCM, ƀlep ƀât Năr bơ ngai tĕch mơ dro Việt Nam (13/10), ‘năr 12/10, Kơ dră tĕh đak Nguyễn Xuân Phúc tơ ƀâp hlŏh 40 ‘nu bơ ngai tang măt dơ̆ng tang ăn hlŏh 10 rơ bâu ‘nu bơ ngai pơ dro lơ̆m Khul bơ ngai tĕch mơ dro oei mơ lôh Việt Nam.

Kơ dră tĕh đak Nguyễn Xuân Phúc tơ ƀâp bơ ngai tĕch mơ dro

Kơ dră tơ ƀôh đon mơ nat hăm dôm tơ drong hiong răm tih đơ̆ng anih tĕch mơ dro, bơ ngai pơ dro Việt Nam yoa đơ̆ng jĭ COVID-19 păng tơ ƀôh đon lui, pôk pơ ư dôm anih tĕch mơ dro, bơ ngai pơ dro mă đơ̆ng mơ nat tat ră mă lei oei hơ nơ̆ng bơ̆ jang kiơ̆ nơ̆r krao hơ vơn đơ̆ng Đảng, teh đak, vang tơ gop vă vei sơ đơ̆ng tơ drong arih xa tơ pôl.

Vă tơ iung tơ drong juăt ăn đơ̆ng bơ ngai pơ dro Việt Nam, Kơ dră tĕh đak Nguyễn Xuân Phúc tơ tă ăn bơ ngai pơ dro oei mơ lôh kơ Việt Nam 5 tơ drong kăl hlôh vao ‘nŏh jĭ tơ iung jơ hngâm ‘mêm tĕh đak đơ̆ng chăl adrol; tơ guăt 1 ƀơ̆r đon păng tơ gŭm băl; đei đon adrin hơ met jơ hngâm kơ dih; gơ̆h hơ gei vă đei jơ hngâm pran păng đei đon lui lơ̆m tơ drong jang đơ̆ng kơ dih, tơ drong jang kơ hơ drĕch hơ drung păng tơ drong arih xa ning mônh kơnh kơ tĕh đak.

Dơ̆ng: Tơ blơ̆