VOV4.Bahnar - Drơ̆ng nơ̆r krao hơ vơn đơ̆ng Thủ tướng teh đak New Zealand, yă Jacinda Ardern, gơ măng hei, 16/7, Kơ dră teh đak Nguyễn Xuân Phúc hlôi vang hop akŏm ư̆h kơ tơ pă rim kơ dră chĕp kơ̆l mŭk drăm hop akŏm jang hơ dai mŭk drăm châu Á-Thái Bình Dương (APEC) găh tơ jră hăm jĭ hơ buh COVID-19 păng tơ iung ming mŭk drăm. Hăm hơ năm “ Tơ jră jĭ hơ buh COVID-19, hơ yơ jĭ tơ drong hiôk kơ châu Á-Thái Bình Dương jang hơ dai yak hloh rơ hiŭng rơ hiăng jang pơ gang, tŭn hrĕnh tơ iung ming mŭk drăm, tơ lĕch tơ drong ‘lơ̆ng ăn tơ̆ hơ năp kơnh ‘lơ̆ng hơ iă hloh”, ‘măng hop akŏm âu akŏm pơ ma dơ nuh găh rim trong jang yak hloh rơ hiŭng rơ hiăng jang pơ gang păng tŭn hrĕnh tơ iung ming mŭk drăm tơ̆ tơ ring châu Á-Thái Bình Dương.

Pơ ma tơ̆ ‘măng hop akŏm, Kơ dră teh đak Nguyễn Xuân Phúc akhan ‘nâu jĭ ƀơ̆t rim teh đak jang mŭk drăm kăl kơ yak hloh pha băl, tơ goăt 1 jơ hngơ̆m đon vang hơ dai băl yak hloh rơ hiŭng rơ hiăng păng sơ đơ̆ng tơ drong arih sa kon pơ lei, hơ nhăk mŭk drăm apŭng plĕnh teh tơ iung ming, lăng lơ̆m tơ drong hơ tŏk tơ iung kơ jăp, tôm.

Thuem: Tơ blơ̆