VOV4.Bahnar - Pơ gê ‘năr 4/11, Kơ dră teh đak Nguyễn Xuân Phúc hlôi vang năm pơm lêh tơ băt 190 sơ năm pơ jing dêh char Lạng Sơn păng pơ jao asong ăn dêh char Lạng Sơn Mê đai rơ ngei hiôk hian mă 1. Tang măt kơ dră chĕp kơ̆l Đảng, teh đak, kơ dră teh đak Nguyễn Xuân Phúc gơ̆ih nơ̆r apĭnh jet gia, dôm tơ drong ‘mêm păng nơ̆r hmach chơt hơ iă hloh truh Đảng bộ, khŭl kơ dră, kon pơ lei kơ rim hơ drĕch hơ drŭng dêh char Lạng Sơn.

Kơ dră  teh đak Nguyễn Xuân Phúc pơ jao Mê đai rơ ngei hiôk hian mă 1 ăn kơ Đảng bộ, khŭl kơ dră păng kon pơ lei rim hơ drĕch hơ drŭng dêh char Lạng Sơn

 Dôm jơ nei tih tên, tôm tơ drong mă Đảng bộ, khŭl kơ dră păng kon pơ lei rim hơ drĕch hơ drŭng dêh char Lạng Sơn iŏk đei lơ̆m khei ‘năr âu ki ‘noh jĭ tôch kơ chhôk hơ iă, đei Đảng păng teh đak chih iŏk, lăng ‘lơ̆ng, tơ drong arih joăt joe kơ dêh char Lạng Sơn roi ‘năr roi đei pơm ‘lơ̆ng yua đơ̆ng dôm jơ nei, tơ gop gĭt kăl lơ̆m tơ drong jang vei lăng păng pơ jing teh đak, mă loi ‘noh jĭ đơ̆ng rŏng hloh 30 sơ năm tơ plih ‘nao. Kŭm hăm hơ tŏk tơ iung mŭk drăm, Kơ dră teh đak kŭm athei Lạng Sơn bơ ngơ̆t truh hơ tŏk tơ iung jŏh ayŏ, tơ pôl, vei sơ đơ̆ng tơ drong arih sa tơ pôl, lăng kăl hơ tŏk tơ iung pơ tho pơ hrăm, khoa hŏk kơ măy kơ mŏk, jang pơ gang, hơ tŏk ‘lơ̆ng jơ hngơ̆m pran kon pơ lei.

Thuem: Tơ blơ̆