VOV4.Bahnar - Kơ dră tĕh đak Nguyễn Xuân Phúc ‘nao truh pơm lêh tơ băt 60 sơ năm năr pơ jing Khul jang gĭt kăl (29/9) păng pơ jao Mê đai vei lăng tĕh đak dơ̆ng mă 2 ăn Anih jang gĭt kăl kơ Anih tơm vei lăng Công an.

Kơ dră tĕh đak Nguyễn Xuân Phúc pơ jao Mê đai Vei lăng tĕh đak dơ̆ng mă 2 ăn Anih jang gĭt kăl – Anih tơm vei lăng Công an

Pơ ma lơ̆m jơ pơm lêh, Kơ dră tĕh đak tơ chĕng ‘lơ̆ng rim jơ hnơr lơ̆m Anih jang gĭt kăl hơ nơ̆ng hơ tŏk đon jang kăch mang, yak hlŏh rim tơ drong mơ mat tat, tơ blăh, chu hŭt hơ kâu, jang đang ‘lơ̆ng rim tơ drong đei pơ jao, iŏk đei lơ tơ drong jơ nei lơ̆m tơ drong tơ blăh Mi sơ̆ kŭm nhen lơ̆m khei ‘năr hrei ‘nâu, tơ gop pơm pơ ‘lơ̆ng hlŏh dơ̆ng tơ drong juăt kơ tang nuih mơng đơ̆ng đơ̆ng Công an kon pơ lei Việt Nam.

Kơ dră tĕh đak athei Anih jang gĭt kăl hơ nơ̆ng tơ iung tơ drong juăt đơ̆ng khul linh tơ blăh kơ tang nuih mơng kơ kon pơ lei, pơ jing Đảng ƀô̆ Anih jang gĭt kăl păng pơ jing khul linh gĭt kăl kơ Công an kon pơ lei rơ gŏh ‘lơ̆ng, pran kơ jăp găh chinh trĭ, đon tơ chĕng, jơ hngâm đon păng bơ̆ jang gơ̆h hơ gei.

Dơ̆ng: Tơ blơ̆