VOV4.Bahnar - Pơ gê ‘năr 18/11, tơ̆ Hà Nội, Kơ dră teh đak Nguyễn Xuân Phúc vang pơm lêh tơ băt 70 sơ năm pơ jing Hnam trưng Đại học Sư phạm Hà Nội păng sơng iŏk Mê đai bơ̆ jang dơ̆ng mă mônh ‘măng mă 2. Tang măt kơ dră chĕp kơ̆l Đảng, teh đak, Kơ dră teh đak Nguyễn Xuân Phúc hmach chhôk hơ iă kơ rim jơ hnơr kang ƀô̆, thây kô pơ tho, bơ ngai jang, bơ ngai hŏk, sinh viên, hŏk tro Hnam trưng Đại học Sư phạm Hà Nội găh dôm jơ nei iŏk đei 70 sơ năm âu ki. Pơ ma hơ dăh, Đảng păng Teh đak ling lang băt hơ dăh pơ tho pơ hrăm, khoa hŏk păng kơ măy kơ mŏk ‘noh jĭ tơ drong jang tơ gŭm tih đơ̆ng teh đak, Kơ dră teh đak Nguyễn Xuân Phúc tơ roi rơ dăh, Hnam trưng Đại học Sư phạm Hà Nội hlôi đei teh đak băt hơ dăh jĭ 1 lơ̆m 2 hnam trưng đại học sư phạm tơm kơ lơ̆m teh đak. Tơ ƀlŏk dơ̆ng nơ̆r pơ đơ̆k “ Mưh hnam trưng hŏk hơ tŏk tơ iung, rim tơ drong adoi hơ tŏk tơ iung”, Kơ dră teh đak athei Hnam trưng Đại học sư phạm  Hà Nội akŏm hơ met ming pơ đĭ hloi găh tơ drong jang păng trong bơ̆ jang, hơ nơ̆ng sơ kơ̆t hơ dăh anih dơ̆ng 1 hnam trưng tơm kơ teh đak, tơ plih ‘nao tôm tong găh trong jang păng tơ drong pơ tho pơm lăp hăm ‘meh vă hrei ‘nâu.

Thuem: Tơ blơ̆