VOV4.Bahnar - Sơng iŏk nơ̆r krao hơ vơn đơ̆ng Kơ dră tơm Mi Joe Biden, gơ măng hei 22/4, Kơ dră tĕh đak Nguyễn Xuân Phúc vang truh hop akŏm tih găh tŏ ‘mi kial.

Kơ dră tĕh đak Nguyễn Xuân Phúc vang hop akŏm tih găh tŏ ‘mi kial

Hop akŏm đei pơ gơ̆r kiơ̆ trong trư̆k tuyê̆n lơ̆m 2 năr 22 păng 23/4/2021, hăm tơ drong tơm ‘nŏh vă athei tơ pôl lơ̆m apŭng plenh tĕh tơ lĕch lơ nơ̆r pơ kăp mă kơ tang ƀiơ̆ vă tơ jră hăm tŏ ‘mi kial tơ plih vă vei lăng ‘lơ̆ng hơ yŭh tŏ lơ̆m plei tĕh ưh đei tŏk hlŏh 1,5 đô̆ C pơ têng hăm khei ‘năr adrol kơ jang hăm kơ măy kơ mŏk sơ̆, lăp hăm tơ drong drơ̆ng nơ̆r Paris găh tŏ ‘mi kial tơ plih.

Lơ̆m hop akŏm, Kơ dră tĕh đak Nguyễn Xuân Phúc vă kŭm hăm Kơ dră tơm Mi Joe Biden păng Kơ dră tơm dôm tĕh đak Tây Ban Nha, Nigeria păng Ba Lan akŏm păng iung pơ ma lơ̆m jơ hôp gĭt kăl đei hơ năn "Dôm tơ drong đei yoa găh mŭk drăm mưh bơ̆ jang vei lăng tŏ ‘mi kial ‘lơ̆ng" pơ gơ̆r măng ‘nâu, 23/4.

Dơ̆ng: Tơ blơ̆