VOV4.Bahnar - Ƀlep ƀơ̆t Năr bơ ngai jang hơ gei Việt Nam 04/10, Kơ dră teh đak Nguyễn Xuân Phúc ‘nao đei Kơ thơ krao hơ vơn yak hơ dai hơ tŏk bơ̆ jang hơ gei: “ Yua kơ 1 Việt Nam jơ nei jĭ hơ buh păng hơ tŏk tơ iung kơ jăp ‘lơ̆ng”. Lơ̆m kơ thơ đei chih: Đảng păng teh đak bơ̆n ling lang bơ ngơ̆t truh, kơ chăng tơ lĕch lơ trong jang tơ gŭm vă hơ tŏk tơ iung bơ̆ jang hơ gei. Păng kiơ̆ lơ̆m yan âu, khŭl jang hơ gei, mă loi ‘noh dôm bơ ngai đei jang hơ gei hloh, hlôi đei tơ gop tih tên ăn tơ drong hơ tŏk tơ iung mŭk drăm - tơ pôl. Ƀlep ƀơ̆t Năr bơ̆ jang hơ gei Việt Nam 04/10 sơ năm ‘nâu, ĭnh krao hơ vơn đĭ đăng bơ ngai jang lơ̆m teh đak ‘nĕ kơ pơ dơh hŏk pơ hrăm, pơ hrăm tơ drong jang hơ gei, hơ nơ̆ng pơ cheh hơ gei vă hơ met ming đei yua păng hơ tŏk ‘lơ̆ng jơ jei bơ̆ jang lơ̆m tơ drong jang. Kơ plăh âu bơ̆n oei kăl hơ drin hloh dơ̆ng vă vang tơ gŭm băl yak hloh jĭ hơ buh Covid-19. Ĭnh đei 1 tơ drong lui kơ jăp akhan bơ ngai jang Việt Nam ling lang hơ tŏk tôch ai jơ hngơ̆m đon ‘lơ̆ng păng kĕ jang đơ̆ng kơ dih vă yak hloh lơ̆m hŏk pơ hrăm, bơ̆ jang păng pơm tơ lĕch, tơ gop hơ nhăk teh đak bơ̆n jăh jơ nei jĭ hơ buh păng pơ trŭt hơ tŏk tơ iung kơ jăp, hơ nŭk hơ noa lơ̆m jăl jang truh.

Thuem: Tơ blơ̆