VOV4.Bahnar - Tơ̆ Trùng Khánh, Trung Quốc, Kơ dră tơm jang tơ bôl Bùi Thanh Sơn tơ ƀâp Phó Thủ tướng, Kơ dră tơm jang tơ bôl păng jang hơ doi hăm apŭng plenh tĕh kơ Campuchia Prak Sokhonn ƀlep ƀât vang truh Hop akŏm gĭt kăl kơ đe Kơ dră tơm jang tơ bôl ASEAN - Trung Quốc păng Hop akŏm đe Kơ dră jang hơ doi Mê Công - Lan Thương ‘măng mă 6.

Kơ dră tơm jang tơ bôl Bùi Thanh Sơn tơ ƀâp Phó Thủ tướng, Kơ dră tơm jang tơ bôl Campuchia

Lơ̆m jơ tơ ƀâp, 2 ‘nu ƀok Kơ dră tôch lăp đon hăm tơ drong pơ vei Việt Nam - Campuchia đei vei kơ jăp păng tŏk pran ‘lơ̆ng khei ‘năr âu ki kơ plăh oei đei jĭ hơ buh; 2 tĕh đak hơ nơ̆ng pơ gơ̆r tơ ƀâp, pơ ma nuh tih păng tưk tơ iung dôm tơ drong đei yoa đơ̆ng jang hơ doi 2 pang. 2 păh drơ̆ng nơ̆r hơ tŏk tơ drong jang hơ doi vang vei lăng tơ ring sơ lam, găn bơ ngai mât lĕch glăi luơ̆t, atŭm hăm ‘nŏh pơ jing tơ drong ‘lơ̆ng ăn tơ drong tĕch mơ dro tơ̆ tơ ring sơ lam; hôn bơ nê tơ drong tơ mât yoa 2 tŏ ‘măng jang sơ lam Tân Nam (dêh char Tây Ninh) – Mơn Chây (dêh char Prey Veng) đơ̆ng ‘năr 31/5 âu ki.

Dơ̆ng: Tơ blơ̆