VOV4.Bahnar - ‘Năr brei (8/6), Kơ dră tơm vei lăng jang pơ gang Nguyễn Thanh Long đei 3 ‘măng tơ ƀâp bơ̆ jang hơ drô̆ hăm dôm bơ ngai tang măt ăn Australia, Phalăng păng Thụy Sỹ tơ̆ Việt Nam găh tơ drong jang hơ doi vang atng găn jĭ COVID-19, mă loi jĭ pơ jing tơ drong ‘lơ̆ng ăn Việt Nam sơng iŏk vaccine tang găn jĭ COVID-19.

Kơ dră tơm vei lăng jang pơ gang Nguyễn Thanh Long

Ƀok Kơ dră hơ pơi ‘mĕh Australia, Phalăng păng Thụy Sỹ hơ nơ̆ng tơ rĕk truh tơ̆ tơ drong Việt Nam ‘mĕh iŏk đei lơ ƀiơ̆ vaccine tang găn jĭ COVID-19. Yă Mobyn Mudie, Bơ ngai tang măt ăn Australia tơ̆ Việt Nam ăn tơ băt, Khul kơ dră tĕh đak Australia hlôi ‘măn 130 triu AUD (đô la Úc) kiơ̆ trong jang COVAX. Hơ drô̆ hăm Việt Nam, akŏm đĭ đăng kơ jă jên tơ gŭm ăn tơ drong pơ truh vaccine đơ̆ng Australia ‘măn ăn Việt Nam ‘nŏh 40 triu AUD vă răt vaccine tang găn jĭ COVID-19.

Dơ̆ng: Tơ blơ̆