VOV4.Bahnar - Đại tướng Phan Văn Giang, bơ ngai jang lơ̆m Anih tơm Chĭnh trĭ, Kơ dră Anih tơm vei lăng khŭl linh sơng pơ ma dơ nuh hăm ƀok Park Jae Min, Phŏ kơ dră Anih tơm vei lăng khŭl linh Hàn Quốc lơ̆m jơ năr khŭl tang măt gĭt kăl teh đak ‘nâu năm tơ̆ Việt Nam vang pơ ma dơ nuh trong jang tơ gŭm Khŭl linh Việt Nam - Hàn Quốc ‘măng mă 9. Đại tướng Phan Văn Giang pơ ma hơ dăh lơ̆m vă jê̆ 30 sơ năm âu ki jô̆ đơ̆ng ƀơ̆t pơ jing tơ drong pơ vei jang tơ bôl, mă loi ‘noh jĭ ƀơ̆t pơ jing tơ drong pơ vei “ Teh đak jang hơ dai tơ drong jang”, pơ vei jang hơ dai tơ bôl Việt Nam - Hàn Quốc hơ tŏk tơ iung roi ‘năr roi pran kơ tang, jrŭ să păng ‘lơ̆ng.

Kơ dră tơm vei lăng Khŭl linh - Phan Văn Giang sơng Phŏ kơ dră tơm vei lăng khŭl linh Hàn Quốc - Park Jae Min

Mă loi ‘noh jĭ mŭk drăm, mơ dro sa păng tơ mơ̆t jên jang, tơ gop hơ tŏk tơ iung mŭk drăm - tơ pôl, hơ tŏk loi dơ̆ng tơ drong hlôh vao dih băl păng pơ vei tơ bôl đơ̆ng kon pơ lei păng khŭl linh 2 teh đak. Lăng ‘lơ̆ng pơ tôch pơ ma dơ nuh trong jang khŭl linh Việt Nam - Hàn Quốc ‘măng mă 9 păng dôm tơ drong hơ drin, iŏk yua jang hơ dai đơ̆ng Anih tơm vei lăng khŭl linh 2 teh đak khei ‘năr âu ki, Kơ dră tơm Phan Văn Giang ‘meh vă tơ̆ hơ năp kơnh, 2 păh hơ nơ̆ng hơ tŏk hloh dơ̆ng tơ drong pơ vei jang hơ dai đei iŏk yua păng ‘lơ̆ng lơ̆m lơ tơ drong jang.

Thuem: Tơ blơ̆