VOV4.Bahnar - Tơ̆ hơnăp jĭ hơbŭh, tŏ ‘mi kial pơrăm kơtang, pơkoĕl rim kơdră Đảng, kơdră chĕp pơgơ̆r tơring dêh char Quảng Ngãi kăl atŏk kơtang hlŏh dơ̆ng lơ̆m chĕp pơgơ̆r, jang kiơ̆ rim trong jang ‘lơ̆ng hơ iă vă atŏk tơ iung mŭk drăm-tơpôl. ‘Nau nơ̆r pơrô̆ athei pơgê năr 17/11 đơ̆ng Thượng tướng Trần Quang Phương, Kơ iĕng Kơdră chĕp pơgơ̆r Kuôk hô̆i tơ̆ ‘Măng hop akŏm mă 5, Jơnŭm vei lăng kon pơlei dêh char Quảng Ngãi jăl XIII, jăl jang 2021-2026. ‘Măng hop akŏm hơtuch sơnăm au akŏm pơma dơnŭh, drơ̆ng mĭnh nơ̆r pơdrơ̆ng kiơ̆ 9 Tơdrong tơchơ̆t, tơlĕch jang kiơ̆ rim tơdrong tơchơ̆t  đơ̆ng Trung ương, Khŭl Kơdră chĕp pơgơ̆r Đảng dêh char, Dơnŏ anĭh chĕp pơgơ̆r Đảng dêh char. Iung pơma tơ̆ ‘Măng hop akŏm au, Thượng tướng Trần Quang Phương, Kơ iĕng Kơdră chĕp pơgơ̆r Kuô̆k hô̆i akhan, tơring hlôi đei trong jang tôch trŏ lăp, tơtom xek tơlang dôm tơdrong ư̆h kơ lăp yan au, lăng ba kơ jăp xek tơlang dôm tơdrong đei ƀơm trŭh tơdrong erĭh sa kon pơlei, tơdrong ‘mê̆ ‘mach cham char. Kơdră chĕp pơgơ̆r Kuô̆k hô̆i ‘mĕh vă tơring gô jang keh đang ‘lơ̆ng lơ̆m khei năr kơnh.

Tơblơ̆ nơ̆r: Amazưt