VOV4.Bahnar - Kơ iĕng Kơdră chĕp pơgơ̆r Tĕh đak Võ Thị Ánh Xuân hăm rim kơdră đei hơnăn ăn pôk tơmơ̆t pơm Kơdră tang măt Kuô̆k hôi jăl XV păng Kơdră tang măt Jơnŭm vei lăng kon pơlei dêh char An Giang jăl X, jăl jang 2021-2026, găh Hơnĭh tăh hla kơsô̆ 1 hlôi đei tơ ƀơ̆p pơma dơnŭh hăm bơngai tăh hla, hơvơn pôk rơ̆ih kiơ̆ Khôi luơ̆t tơchơ̆t tơ̆ rim phương Mỹ Bình, Mỹ Long, Mỹ Phước, Mỹ Quý, Mỹ Thới, Mỹ Thạnh, tơring Mỹ Hòa Hưng (pơlei tơm Long Xuyên), thị trấn Óc Eo, tơring Vọng Đông păng tơring Vọng Thê, apŭng Thoại Sơn, dêh char An Giang. Iung pơma tơbăt hơdăh tơdrong jang kơ dĭh, Kơ iĕng Kơdră chĕp pơgơ̆r tĕh đak Võ Thị Ánh Xuân tơbăt, tơdăh đei kon pơlei pôk tơmơ̆t pơm kơdră tang măt Kuô̆k hô̆i jăl XV, lei gô hơnơ̆ng jang kiơ̆ dôm tơdrong jang tim mă keh đang dang ‘mĕh vă păng adoi pơklep tơdrong jang Kơdră tang măt Kuô̆k hô̆i hăm tơdrong jang hrei au ‘nŏh Kơ iĕng kơdră chĕp pơgơ̆r Tĕh đak vă iung jang ‘lơ̆ng hlŏh dơ̆ng tơdrong hơpơi ‘mĕh vă đơ̆ng bơngai tăh hla.

Tơblơ̆ nơ̆r: Amazưt