VOV4.Bahnar - Gơmăng năr 5/1, tơ̆ Hà Nội, pơgơ̆r Pơm lêh tơbăt 72 sơnăm năr joăt joe Hŏk tro, sinh viên Việt Nam păng Khŭl sinh viên Việt Nam (09/01/1950 - 09/01/2021), pôk pơ ư sinh viên iŏk đei hơnăn”Sinh viên 5 ‘lơ̆ng”, tơpôl sinh viên iŏk đei hơnăn “Tơpôl Sinh viên 5 ‘lơ̆ng” tơ̆ Trung ương sơnăm 2021, pôk ăn Tơmam hơpăh “Sao Tháng Giêng” sơnăm 2021.

Vang năm đei Kơ iĕng Kơdră chĕp pơgơ̆r Tĕh đak Võ Thị Ánh Xuân, rim Kơdră chĕp pơgơ̆r Đảng, Tĕh đak păng kơdră chĕp pơgơ̆r rim Hơnĭh bơ̆ jang, Dơnŏ anĭh tơm, hơnih jang Trung ương. Sơnăm 2021, mă đơ̆ng đei ƀơm kơnê̆ đơ̆ng jĭ hơbŭh Covid-19, rim Khŭl oei hơnơ̆ng yak hlŏh tơdrong long, tơlĕch iung jang tơchăr rim tơdrong jang, pơjing ‘lơ̆ng hơ iă ăn tơdrong hŏk pơhrăm kơ sinh viên, khŭl. Jơ ‘năr au, Khŭl Sinh viên Việt Nam hlôi pôk ăn hơnăn “Sinh viên 5 ‘lơ̆ng” tơ̆ Trung ương ăn 291 ‘nu sinh viên păng pôk ăn hơnăn “Tơpôl Sinh viên 5 ‘lơ̆ng” tơ̆ Trung ương ăn 60 tơpôl sinh viên.

Tơblơ̆ nơ̆r: Amazưt