VOV4.Bahnar - Ƀlep lơ̆m năr Tơbăt Năr joăt joe bơ̆ jang Đảng tơ̆ tĕh đak đe (31/3), pơgê brei, năr 30/3, Dơnŏ anĭh tơm jang tơbôl pơgơ̆r tơ ƀơ̆p mŭh măt joăt joe “60 sơnăm - Mĭnh jăl trong nuih mơng gơ̆h hơgei bơ̆ jang đảng tơ̆ tĕh đak đe” păng pơma dơnŭh “Atŏk jơnei bơ̆ jang đảng tơ̆ tĕh đak đe lơ̆m chăl sơnăm hrei au.

Kơ iĕng Thủ tướng, Kơdră jang tơbôl Phạm Bình Minh, vang năm păng iung pơma. Tơ̆ pơma dơnŭh, Kơ iĕng Thủ tướng Phạm Bình Minh athei rim khŭl kơdră chĕp pơgơ̆r đảng lơ̆m tĕh đak păng tơ̆ tĕh đak đe atŏk kơtang hlŏh dơ̆ng hơnăp jang, iung jang kơtang kơchăng, tơchăr, pơhrăm jơhngơ̆m đon kơ jăp ăn rim bơngai đảng viên tơ̆ hơnăp rim tơdrong, tơ iung pơjing khŭl kang ƀô̆ bơ̆ jang đảng tơ̆ tĕh đak đe roi năr roi pran kơjăp iăp kơtang hlŏh dơ̆ng; bơ̆ jang tơ iung pơjing đảng kăl tơklep hăm chĕp pơgơ̆r bơ̆ jang kiơ̆ tơdrong jang chĭnh trĭ, adoi atŏk kơtang hơnăp, iung jang kiơ̆ kơ jăp vang jang hơdoi đơ̆ng rim hơnĭh bơ̆ jang, tơring tơrang hăm bơ̆ jang đảng tơ̆ tĕh đak đe.

Tơblơ̆ nơ̆r: Amazưt