VOV4.Bahnar -  Kơsơ̆ năr 9/4, Bí Thư Trung ương Đảng- Kơ iĕng Thủ tướng Tĕh đak Lê Minh Khái atŭm hăm rim Kơdră tang măt Kuôk hô̆i găh Khŭl Kơdră tang măt Kuô̆k hô̆i dêh char Bạc Liêu đei jơ tơ ƀơ̆p pơma dơnŭh hăm bơngai tăh hla dêh char Bạc Liêu đơ̆ng rŏng hop akŏm mă 11, Kuô̆k hô̆i jăl XIV. Khŭl hlôi tơroi tơbăt hăm bơngai tăh hla găh pơtôch hop akŏm ‘măng mă 11, Kuô̆k hô̆i jăl XIV păng pơtôch bơ̆ jang kơ Khŭl kơdră tang măt Kuô̆k hô̆i dêh char Bạc Liêu jăl XIV, jăl jang 2016- 2021.

Kơ iĕng Thủ tướng Tĕh đak Lê Minh Khái iung pơma tơ̆ jơ tơ ƀơ̆p bơngai tăh hla

Bơngai tăh hla dêh char Bạc Liêu hlôi hôn bơnê dôm tơdrong pơma dơnŭh lơ̆m Hop akŏm mă 11 păng tơdrong jang kơ rim kơdră tang măt Kuô̆k hô̆i Bạc Liêu lơ̆m jăl jang au ki. Bơngai tăh hla jei apĭnh athei mĭnh ƀar tơdrong hăm khŭl kơdră tang măt Kuô̆k hô̆i dêh char nhen: Hrei au, kơchư̆k bĭ thư chi ƀô̆ jang hloi Kơdră chĕp pơgơ̆r ăp bơ̆ jang tôch tơnap tap kơ yuơ tơdrong jang lơ dêh hnang, kon jên tơgŭm ăn kang ƀô̆ tơring dang ei tŏ sĕt sot kăl hơlen tŏk ƀiơ̆ kon jên tơgŭm dơ̆ng. Iung pơma tơ̆ tơ tơ ƀơ̆p, Kơ iĕng Thủ tướng Tĕh đak Lê Minh Khái pơma tơbăt jơhngơ̆m đon bơnê kơ Khul kơdră chĕp pơgơ̆r Đangr dêh char, Dơnŏ anĭh vei lăng kon pơlei, Jơnŭm vei lăng kon pơlei dêh char, rim hơnĭh bơ̆ jang păng bơngai tăh hla Bạc Liêu hlôi lui kiơ̆ tơgŭm djru khŭl Kơdră tang măt Kuô̆k hô̆i dêh char keh đang tơdrong jang lơ̆m jăl jang XIV păng pơm hơdăh dôm tơdrong mă bơngai tăh hla pơma trŭh.

Tơblơ̆ nơ̆r: Amazưt