VOV4.Bahnar - Tơ̆ hơnĭh bơ̆ jang Khŭl kơdră Tĕh đak, Kơ iĕng Thủ tướng Lê Văn Thành hlôi pơma dơnŭh hăm Kơ iĕng Kơdră chĕp pơgơ̆r Kuô̆k hô̆i Lào Xổm-mạt Phôn-xể-na ƀlep lơ̆m jơ ‘năr vang năm atŭm hăm Kơdră chĕp pơgơ̆r Kuô̆k hô̆i Lào Saysomphone Phomvihane năm tơmang Việt Nam. Kơ iĕng Thủ tướng Lê Văn Thành pơma hơdăh, Đảng, Khŭl kơdră Tĕh đak păng kon pơlei Việt Nam ling lang lăng kơ jăp tơdrong hơmet pơ ‘lơ̆ng păng atŏk kơtang tơgoăt tơgoăl ‘lơ̆ng hơ iă kơ jăp păng jang hơdoi tôm tong Việt Nam-Lào, Kơ iĕng Thủ tướng Lê Văn Thành sơkơ̆t hơdăh, hăm kơ chư̆k jang kơ dĭh gô jang đĭ jơhngơ̆m đon vă tơgop hơmet pơ ‘lơ̆ng, atŏk tơ iung tơdrong tơgoăt tơggoăl hlôi đei rim chăl khŭl kơdră chĕp pơgơ̆r tĕh đak pơjing ăn. Ƀok Xổm-Mạt Phôn-Xể-Na tơbăt, ‘nau ‘măng năm tơmang Việt Nam blŭng a hăm kơ chư̆k Kơ iĕng Kơdră chĕp pơgơ̆r Kuô̆k hô̆i; tơbăt jơhngơ̆m đon bơnê kơ Đảng, tĕh đak păng Kon pơlei Việt Nam hlôi tơgŭm djru Lào, mă kăl Đảng, Tĕh đak păng kon pơlei Việt Nam hlôi ming man Hnam bơ̆ jang Kuô̆k hô̆i ‘nao pôk ăn Đảng, Kuô̆k hô̆i, Khŭl kơdră tĕh đak păng kon pơlei Lào.

Tơblơ̆ nơ̆r: Amazưt