VOV4.Bahnar -Pơgê năr 30/3 tơ̆ Hà Nội, pơgơ̆r Pơm lê̆h hop akŏm Jơnŭm Khŭl drŏ kăn Việt Nam jang mơdro sa ‘măng mă 2. Kơ iĕng Thủ tướng Trương Hòa Bình vang năm păng iung pơma pơrô̆ Hop akŏm. Kiơ̆ chĭh jô̆ hrei au, tơ̆ Việt Nam đei hlŏh 30% drŏ kăn vang chĕp pơgơ̆r rim hơnih mơdro sa. Iung pơma tơ̆ Hop akom, Kơ iĕng Thủ tướng Trương Hòa Bình athei, Jơnŭm păng rim drŏ kăn jang mơdro sa kăl pơrô̆ pơrôp, hơvơn rim bơngai jang mơdro sa pơma atŭm păng bơngai dro kăn jang mơdro sa pơma hơdrô̆ bơ̆ jang mơdro sa kiơ̆ ƀlep khôi luơ̆t, pơm kiơ̆ kơ jăp khôi luơ̆t, jang ‘lơ̆ng sơnong jang hăm Tĕh đak păng sơđơ̆ng đei iŏk yua ăn bơngai jang, mơdro sa lăng trŭh atŏk tơ iung kơ jăp ‘lơ̆ng păng tơ iung pơjing trong jang Drŏ kăn jang mơdro sa ‘lơ̆ng hơ iă trŏ ƀlep hăm kon bơngai Việt Nam.

Tơblơ̆ nơ̆r: Amazưt