VOV4.Bahnar - Kơ iĕng Thủ tướng Vũ Đức Đam ‘nao đei bơ̆ jang hăm dêh char Bình Dương găh bơ̆ jang tang găn jĭ Covid-19. Kiơ̆ đơ̆ng Kơdră chĕp pơgơ̆r dêh char Bình Dương, găh lơ rim hơnĭh đei jĭ hơbŭh tơ̆ pơlei pơla hlôi pơvang tang găn kĕ.

Kon pơlei Bình Dương chơt hơ iă mư̆h đei ƀet vaccine Covid-19

Dêh char Bình Dương tŏk bŏk kơhret vei lăng năng tông rim tơring, rim tơring atŏk kơtang năm pơtrui, dăr lăng, xek phak kơtang rim bơngai pơm glăi. Hôn bơnê kơtang tơdrong hơdrin đơ̆ng kơdră chĕp pơgơ̆r păng kon pơlei dêh char Bình Dương lơ̆m bơ̆ jang tang găn jĭ păng ming hơmet ăn rim bơngai jĭ covid-19, Kơ iĕng Thủ tướng Vũ Đức Đam pơma tơbăt jơhngơ̆m đon chơt hơ iă mư̆h kơdră chĕp pơgơ̆r rim hơnĭh păng kon pơlei Bình Dương vang kơrŭn đĭ jơhngơ̆m hơdrin trŭh năr 15/8 kĕ tang găn jĭ tơ̆ 5 lơ̆m 9 apŭng, thĭ xah, pơlei tơm. Trŭh năr 30/8, kĕ vei lăng tang găn tơ̆ 4 thĭ xah, pơlei tơm uơ oei tơ til hăm pơlei tơm Hồ Chí Minh, ư̆h kơ jô̆ mĭnh ƀar tơring tơpŏh kơtang hlôi đei vat vei lăng kơ hret, hơnơ̆ng pơm rơgŏh, dêh char Bình Dương gô vĭh hơlơ̆k hiôk hian ‘nao dơ̆ng.

Tơblơ̆ nơ̆r: Amazưt