VOV4.Bahnar - Kơsơ̆ năr 9/7, pơm tơm hop akom trư̆k tuyên ƀar păh Khŭl kơdră Dơnŏ anĭh chep pơgơ̆r Tĕh đak hăm 2 dêh char Phú Yên păng Khánh Hòa, Kơ iĕng Thủ tướng Vũ Đức Đam, Kơdră chĕp pơgơ̆r Dơnŏ anĭh chĕp pơgơ̆r Tĕh đak tang găn jĭ Covid-19 pơkă athei 2 dêh char au jang kiơ̆ kơtang rim tơdrong tơchơ̆t tang găn jĭ Covid-19 lơ̆m tơring pơvabng tang găn păng ăn oei hơtăih dĭh băl, kiơ̆ trong chrơ̆m vat tơring pơvang tang găn, ăn oei hơtăih dĭh băl tơring iĕ mă lei vei lăng kơ jăp ‘lơ̆ng hlŏh vat vei lăng să mă lei bơ̆ jang ư̆h tơnăp.

Lơ̆m 1 giĕng kơ au, măt bơngai tơpŏh jĭ lơ̆m dêh char Phú Yên roi tŏk lơ, jô̆ hơtŏ đei đơ̆ng 30-40 ‘nu bơngai. Dang ei, Phú Yên hlôi tơlĕch jang kiơ̆ ăn oei hơ tăih dĭh băl kiơ̆ Nơ̆r athei jang kiơ̆ 16 lơ̆m dêh char. Hăm vă jê̆ 190 ‘nu bơngai tơpŏh jĭ Covid-19, dêh char Khánh Hoà tơchơ̆t jang kiơ̆ ăn oei hơtăih dĭh băl kiơ̆ Nơ̆r athei jang kiơ̆ 16 hăm pơlei tơm Nha Trang, thĭ trân Ninh Hòa păng păng apŭng Vạn Ninh. Tơ̆ hơnăp tơdrong 2 dêh char Phú Yên păng Khánh Hòa jang kiơ̆ pơvang tang găn păng ăn oei hoatăih dĭh băl kiơ̆ trong phara dĭh băl, Kơ iĕng Thủ tướng Vũ Đức Đam pơkă, tơdrong kăl hlŏh hrei au ‘nŏh hlôi pơvang tang găn ăn oei hơtăih dĭh băl lei kăl iung jang kơ jăp păng kơ hret.

Tơblơ̆ nơ̆r: Amazưt